Bæjarstjórn Fljótsdalshéraðs

Lagt er fram erindi Eflu verkfræðistofu, fyrir hönd málsaðila, óverulega breytingu á deiliskipulagi fyrir Ylströnd við Urriðavatn.
Óskað er eftir því að umhverfis- og framkvæmdanefnd taki fyrir erindið sem óveruleg breyting á deiliskipulagi Ylstrandar við Urriðavatn. Breytingin er á þá vegu að byggingarreitur verði rýmkaður svo hann þoli minniháttar tilfærslur á byggingunni. Enn fremur þarf að færa til hjóla- og göngustíg sem liggur fyrir utan eldri byggingarreitinn og skilgreina að staðsetningin sé leiðbeinandi.
Meðfylgjandi er samþykki landeiganda, erindi og uppdráttur.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn að um óverulega breytingu sé að ræða og felur skipulags- og byggingarfulltrúa úrvinnslu erindisins í samræmi við 2.mgr. 43.gr. Skipulagslaga nr. 123/2010.

Samþykkt samhljóða með handauppréttingu.

Lagt fram til kynningar.

Lagt fram til kynningar.

Erindi var afgreitt undir lið nr. 5 í fundargerðinni.

Tekið var fyrir í umhverfis- og framkvæmdanefnd erindi Sókn lögmannsstofu fyrir hönd Arctic Hydro ehf. sem vísað var á umhverfis- og framkvæmdanefnd af bæjarráði þann 29.8. 2016 af fundi nr. 352, til kynningar og umsagnar.

Eftirfarandi tillaga lögð fram:
Að tillögu umhverfis- og framkvæmdanefndar gerir bæjarstjórn ekki athugasemd við að gengið verið til samningaviðræðna við Arctic Hydro ehf um réttindasamning.
Að öðru leyti lagt fram til kynningar.

Samþykkt samhljóða með handauppréttingu.

Á fundi umhverfis- og framkvæmdanefndar var lagt fram erindi fyrir nefndina um ráðningu og skipulagsbreytingu á Umhverfissviði.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn erindi deildarstjóra skipulags og umhverfissviðs. Deildarstjóra falið að auglýsa eftir starfsmanni.

Samþykkt samhljóða með handauppréttingu.

Lagt er fram erindi Vegagerðarinnar, þar sem óskað er eftir leyfi fyrir staðsetningu vegskiltis í Fellabæ.
Stærð skiltisins er 3m á breidd og 2,5m á hæð.
Meðfylgjandi er erindi og skýringarmyndir.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn staðsetningu skiltisins, að því gefnu að skiltið dragi ekki úr umferðaröryggi á gatnamótunum og felur skipulags- og byggingarfulltrúa útgáfu framkvæmdaleyfis.

Samþykkt samhljóða með handauppréttingu.

Lagt er fram að nýju erindi frá Orkusjóði, Styrkir til uppbyggingar á innviðum fyrir rafbíla.
Á 51. fundi umhverfis- og framkvæmdanefndar var samþykkt að fela Frey Ævarssyni erindið til athugunar í samvinnu við skipulags- og byggingarfulltrúa og leggja fram tillögu.

Eftirfarandi tillaga lögð fram:
Að tillögu umhverfis- og framkvæmdanefndar felur bæjarstjórn verkefnisstjóra umhverfismála að sækja um styrk til uppbyggingar á innviðum fyrir rafbíla, á grundvelli þeirrar greinargerðar sem fyrir liggur.

Samþykkt samhljóða með handauppréttingu.

Lagt fram til kynningar.

Lagt fram til kynningar.

Til umræðu í umhverfis- og framkvæmdanefnd var framtíð starfshóps um umferðaröryggismál.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn að umferðaröryggishópurinn verði lagður niður og vinna hópsins verði færð undir Umhverfis- og framkvæmdanefnd.

Samþykkt samhljóða með handauppréttingu.

Lagt er fram erindi vinnuhóps um umferðaröryggi í sveitarfélaginu, sem hér eftir verður til umfjöllunar og heyrir undir umhverfis- og framkvæmdanefnd.
Eftirfarandi var bókað í umhverfis- og framkvæmdanefnd þann 11.3. 2015:
Umhverfis- og framkvæmdanefnd samþykkir að hafin verði vinna við gerð umferðaröryggisáætlunar fyrir Fljótsdalshérað. Nefndin samþykkir að Umferðaröryggishópurinn stýri verkefninu. Málið var áður á dagskrá 20.3. 2015 og 24.8. 2016.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn að fela skipulags- og byggingarfulltrúa að vera í sambandi við fulltrúa Vegagerðarinnar vegna gerðar umferðaröryggisáætlunar Fljótsdalshéraðs og ræða aðkomu þeirra að áætluninni.

Samþykkt samhljóða með handauppréttingu.

Lagt er fram að nýju erindi Markúsar Eyþórssonar, Umsókn um byggingarleyfi/viðbygging, að lokinni grenndarkynningu.
Á fundi umhverfis- og framkvæmdanefndar nr. 47 var lögð fram tillaga að viðbyggingu við Furuvelli 6, greinargerð og uppdrættir.
Umhverfis- og framkvæmdanefnd samþykkti að grenndarkynna framlagða tillögu.
Skipulags- og byggingarfulltrúi með tilvísan í 44.gr. skipulagslaga nr. 123/2010 grenndarkynnti tillögu fyrir lóðarhöfum Furuvalla 4 og 8 og Laugavöllum 7, 9 og 11 þann 25.7. 2016.
Frestur til að skila inn athugasemdum eða ábendingum við framlagða tillögu var til kl.15:00, föstudaginn 26.ágúst 2016.
Engar athugasemdir bárust á kynningartíma.

Eftirfarandi tillaga lögð fram:
Bæjarstjórn tekur undir með umhverfis- og framkvæmdanefnd og er ekki mótfallin tillögum lóðarhafa. Bæjarstjórn felur skipulags- og byggingarfulltrúa útgáfu bréfs um byggingaráform.
Áréttað er að tilkynning um byggingaráform er ekki heimild til að hefja framkvæmdir.

Samþykkt samhljóða með handauppréttingu.

Lagt er fram erindi Jónasar Þorgeirs Jónassonar, þar sem óskað er eftir umsögn sveitarfélagsins um að Uppsalir 5 með landnúmerið 220118 verði skráð sem lögbýli.

Eftirfarandi tillaga lögð fram:
Að tillögu umhverfis- og framkvæmdanefndar veitir bæjarstjórn jákvæða umsögn og samþykkir erindið.

Samþykkt með 8 atkv. en 1 sat hjá (GJ)

Lagt er fram erindi Hafsteins Jónassonar, þar sem óskað er eftir umsögn sveitarfélagsins um að Uppsalir 4, með landnúmerinu 215465, verði skráð sem lögbýli.

Eftirfarandi tillaga lögð fram:
Að tillögu umhverfis- og framkvæmdanefndar veitir bæjarstjórn jákvæða umsögn og samþykkir erindið.

Samþykkt með 8 atkv. en 1 sat hjá (GJ)

Umhverfis- og framkvæmdanefnd lagði til við bæjarstjórn á fundi sínum nr. 38 þann 13.1. 2016 að deiliskipulags tillagan verði samþykkt óbreytt og send Skipulagsstofnun til athugunar skv. 42. gr. skipulagslaga.

Bréf barst frá Skipulagsstofnun dagsett 30.6. 2016, óskað var eftir því að sveitarstjórn taki deiliskipulagið fyrir að nýju í sveitarstjórn vegna þeirra breytinga sem gerðar hafa verið á skilmálum deiliskipulagsins og jafnframt þarf að sýna á uppdrætti aðalskipulagsbreytingu sem staðfest hefur verið fyrir umrætt svæði.

Eftirfarandi tillaga lögð fram:
Að tillögu umhverfis- og framkvæmdanefndar felur bæjarstjórn skipulags- og byggingarfulltrúa að auglýsa leiðréttan uppdrátt, deiliskipulag í landi Hvamms 2, í B-deild Stjórnartíðinda.

Samþykkt samhljóða með handauppréttingu.

Í vinnslu.

Lagt fram til kynningar.

Lagt fram til kynningar.

Lagt fram til kynningar.

Málið er í vinnslu.

Í vinnslu.

Lagt fram til kynningar.

Lagt fram til kynningar.

Eftirfarandi tilaga lögð fram:
Að tillögu fræðslunefndar samþykkir bæjarstjórn fyrir sitt leyti umbeðið samstarf með fyrirvara um samþykki hlutaðeigandi skólastjóra.

Samþykkt samhljóða með handauppréttingu.

Á fundi fræðslunefndar kom fram að Sóley Þrastardóttir hefur verið ráðin skólastjóri Tónlistarskólans á Egilsstöðum.

Eftirfarandi tillaga lögð fram:
Bæjarstjórn tekur undir með fræðslunefnd og býður Sóleyju velkomna til starfa hjá sveitarfélaginu og óskar henni velfarnaðar í þessu nýja hlutverki.

Samþykkt samhljóða með handauppréttingu.

Mál í vinnslu.

Til kynningar.

Lagt fram.

Lagður fram tölvupóstur, dagsettur 7. september, frá Sambandi íslenskra sveitarfélaga með upplýsingum um væntanlega fjármálaráðstefnu 22.- 23. september.

Eftirfarandi tillaga lögð fram.
Bæjarstjórn samþykkir að bæjarráð ásamt bæjarstjóra og fjármálastjóra sæki ráðstefnuna sem fulltrúar Fljótsdalshéraðs og skrifstofustjóra falið að sjá um skráningu á ráðstefnuna.

Samþykkt samhljóða með handauppréttingu.

Lagt fram bréf frá Úrskurðarnefnd umhverfis- og auðlindamála, þar sem fram kemur að kæru Fljótsdalshéraðs á ákvörðun Orkustofnunar frá 9. apríl 2014 um að synja kröfu sveitarfélagsins um endurupptöku á málsmeðferð varðandi skilmála virkjunarleyfa Kárahnjúka- og Lagarfossvirkjana hafi verið vísað frá á grundvelli þess að Fljótsdalshérað ætti ekki að því kæruaðild. Jafnframt kom fram að kæran hafi verið framsend atvinnu- og nýsköpunarráðuneytinu til úrskurðar.

Eftirfarandi tillaga lögð fram:
Að tillögu bæjarráðs samþykkir bæjarstjórn að fela bæjarstjóra að koma framkomnum upplýsingum á framfæri við stjórn Félags landeigenda við Lagarfljót.
Bæjarstjórn lýsir yfir vonbrigðum með hversu langan tíma málsmeðferð nefndarinnar tók, eða frá því í maí 2014, ekki síst með tilliti til þess að málið var á endanum afgreitt, án þess að fá efnislega meðferð hjá nefndinni.

Samþykkt samhljóða með handauppréttingu.

Afgreiðsla bæjarráðs staðfest.

Afgreiðsla bæjarráðs staðfest.

Á fundi bæjarráðs fór Björn Ingimarsson bæjarstjóri yfir óskir skólameistara Handverks- og hússtjórnarskólans, varðandi almenningssamgöngur milli skólans og Egilsstaða á komandi vetri og kynnti líklegan kostnað við verkefnið.

Eftirfarandi tillaga lögð fram:
Að tillögu bæjarráðs samþykkir bæjarstjórn að fela bæjarstjóra að ganga frá samningum um akstur einu sinni í viku, sbr. óskir skólameistara. Kostnaður verði færður á lið 10710, almenningssamgöngur.

Samþykkt samhljóða með handauppréttingu, en 1 var fjarverandi (S.Bl.)

Lagt fram til kynningar.

Lagt fram til kynningar.

Fundargerðin lögð fram til kynningar.

Fundargerðin lögð fram til kynningar.

Fundargerðin lögð fram til kynningar.

Lagður fram tölvupóstur frá Sambandi íslenskra sveitarfélaga, dagsettur 13. september 2016 með upplýsingum um utankjörfundaratkvæðagreiðslu vegna fyrirhugaðra alþingiskosninga haustið 2016.
Þar er þess farið á leit við þau sveitarfélög, sem buðu upp á aukið aðgengi að utankjörfundaratkvæðagreiðslu fyrir forsetakosningarnar sl. vor, að þau geri það líka fyrir komandi alþingiskosningar.

Eftirfarandi tillaga lögð fram.
Bæjarstjórn tekur undir með bæjarráði og telur að utankjörfundaratkvæðagreiðslan, sem starfsmenn bókasafnsins sáu um sl. vor, hafi tekist vel og mælst vel fyrir. Bæjarstjórn óskar því eftir að sama fyrirkomulag verði haft við komandi alþingiskosningar.

Samþykkt samhljóða með handauppréttingu.

Í vinnslu.

Málið er í vinnslu.

Í vinnslu.

Lagt fram til kynningar.

Á fundi bæjarstjórnar 7. september 2016 var tekin fyrir og samþykkt tillaga atvinnu- og menningarnefndar frá 22. ágúst 2016 um stofnun undirbúningshóps að stofnun félags um fræðasetur Jóns lærða í læknishúsinu á Hjaltastað. Í bókun bæjarstjórnar kemur fram að framangreint sé þó háð því að fyrir liggi að húsnæðið verði til ráðstöfunar fyrir slíka starfsemi. Bæjarstjórn felur jafnframt atvinnu- og menningarnefnd að skipa umræddan starfshóp.

Eftirfarandi tillaga lögð fram:
Að tillögu atvinnu- og menningarnefndar samþykkir bæjarstjórn að eftirfarandi aðilar myndi undirbúningshóp að stofnun félags um fræðasetur Jóns lærða í læknishúsinu á Hjaltastað, að því gefnu að húsnæðið verði til ráðstöfunar fyrir þá starfsemi:

Elsa Guðný Björgvinsdóttir, Guðmundur Karl Sigurðsson, María Ósk Kristmundsdóttir og Stefán Þórarinsson. Starfsmaður nefndarinnar kallar saman fyrsta fund og verður tengiliður nefndarinnar við hópinn.

Samþykkt samhljóða með handauppréttingu.

Í vinnslu.

Afgreiðsla byggingarfulltrúa staðfest.

Á fundi umhverfis- og framkvæmdanefndar var lagður fram til upplýsinga tölvupóstur frá upplýsingafulltrúa Umhverfis- og auðlindaráðuneytisins, Dagur íslenskrar náttúru 2016.

Eftirfarandi tillaga lögð fram:
Bæjarstjórn staðfestir afgreiðslu nefndarinnar.

Samþykkt samhljóða með handauppréttingu.

Lagt er fram erindi Björns Sveinssonar, fyrir hönd Vilhjálms Vernharðssonar, ábúanda Möðrudals.

Nú hefur landbúnaðarráðuneyti gefið samþykki sitt fyrir áformum ábúanda. Áform standa til að byggja tvö hús í haust og á vetri komanda. Tólf herbergja gistihús og upplýsinga- og þjónustuhús fyrir Vatnajökulsþjóðgarð.

Heimild er í 2. mgr. 40. gr. skipulagslaga nr. 123/2010 fyrir sveitarstjórnir að falla frá gerð skipulagslýsingar ef "allar meginforsendur deiliskipulagsins liggja fyrir í aðalskipulagi."
Deiliskipulagstillaga sem gerð hefur verið er í fullu samræmi við ákvæði aðalskipulags.

Aðalskipulag gerir ráð fyrir upplýsingamiðstöð Vatnajökulsþjóðgarðs í Möðrudal, reitur V21 verslun og þjónusta gerir ráð fyrir tjaldstæðum, gistingu og veitingasölu auk þess sem skipulagssvæðið er skilgreint sem landbúnaðarsvæði. Stefna er sett fram í aðalskipulagi að smávirkjunum fjölgi.

Samþykkt var á fundi umhverfis- og framkvæmdanefndar nr. 51 að senda skipulagstillögu á Skipulagsstofnun til umfjöllunar.

Ráðgjafi leggur nú fram lagfærðan uppdrátt og greinargerð með svörum og leiðréttingum þar sem brugðist var við ábendingum Skipulagsstofnunar.

Meðfylgjandi er deiliskipulagstillaga, frumteikningar að gistihúsi og upplýsingamiðstöð.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn að auglýsa tillögu skv. 1.mgr. 41. gr. Skipulagslaga nr. 123/2010.

Samþykkt samhljóða með handauppréttingu, en 1 var fjarverandi (SBl.)

Lagt er fram erindi til umsagnar frá umhverfis- og samgöngunefnd Alþingis, frumvarp til laga um Umhverfisstofnun (heildarlög), 674.mál.

Eftirfarandi tillaga lögð fram:
Bæjarstjórn og umhverfis- og framkvæmdanefnd taka undir umsögn Sambands íslenskra sveitarfélaga um frumvarpið.
Í umsögninni er fjallað um þá tvo helstu snertifleti sveitarfélaga við Umhverfisstofnun, sem eru skipulag eftirlits á grundvelli laga um hollustuhætti og mengunarvarnir og annarra laga og reglugerða um mengunareftirlit og náttúruvernd og rekstur náttúruverndarsvæða.

Samþykkt samhljóða með handauppréttingu.

Stefán Bogi Sveinsson lagði fram eftirfarandi viðbótartillögu:
Sérstaklega tekur bæjarstjórn undir þá tillögu sem fram kemur í umsögn Sambandsins að í 2. mgr. 5. gr. laganna komi sérstök heimild til þess að Umhverfisstofnun framselji ákveðin verkefni til heilbrigðisnefnda, enda telur bæjarstjórn það mjög mikilvægt að efla starfsemi heilbrigðiseftirlits víða um land og telur að slíkt framsal sé í langflestum tilfellum hagkvæmt fyrir bæði stjórnvöld og þá sem sæta eftirliti með sinni starfsemi.

Samþykkt samhljóða með handauppréttingu.

Lagt er fram erindi af Betra Fljótsdalshéraði að nýju ásamt samantekt Þjónustumiðstöðvarinnar um gangbrautir þar sem göngustígar þvera götur.

Eftirfarandi tillaga lögð fram:
Bæjarstjórn tekur undir með umhverfis- og framkvæmdanefnd og telur ástæðu til að merkja gönguleiðir í þremur götum þar sem göngustígur þverar götur. Þær götur eru Koltröð, Laugavellir og Sólvellir.
Erindinu að öðru leyti vísað til starfsáætlunar 2017.

Samþykkt samhljóða með handauppréttingu.

Í umhverfis- og framkvæmdanefnd voru lagðir fram gangnaseðlar Fellamanna, Eiðaþinghár, Skriðdals, Hjaltastaðaþinghár, Hlíðar, Valla, Tungu og Jökuldals austan ár, ásamt fundargerð fjallskilanefndar Jökulsárhlíðar 2016 til kynningar. Gangnaseðill Jökuldals norðan ár var áður samþykktur.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn framlögð gangnaboð og felur starfsmanni sveitarfélagsins að dreifa fundargerð og gangnaseðlum á viðeigandi bæi.

Samþykkt samhljóða með handauppréttingu.

Lagt er fram bréf lóðarhafa, skil á lóð Hamrar 14.

Eftirfarandi tillaga lögð fram:
Að tillögu umhverfis- og framkvæmdanefndar samþykkir bæjarstjórn erindið og felur skipulags- og byggingarfulltrúa úrlausn þess.
Lóðin Hamrar 14 er nú laus til umsóknar.

Samþykkt samhljóða með handauppréttingu.