Bæjarráð Fljótsdalshéraðs

Björn Ingimarsson bæjarstjóri og Guðlaugur Sæbjörnsson fjármálastjóri fóru yfir nokkur mál sem tengjast rekstri og fjármálum sveitarfélagsins og kynntu stöðu þeirra fyrir bæjarráði.
Lögð var fram skýrsla sem gerð var á vegum norrænu ráðherranefndarinnar.
Bæjarráð fagnar því að Fljótsdalshérað var annað af tveimur sveitarfélögum á Íslandi sem fjallað var um sem aðlaðandi búsetukostur í dreifbýli á Íslandi.
Skýrslan verður gerð aðgengileg á heimasíðu sveitarfélagsins.

Fundargerðin lögð fram til kynningar.

Lagt fram til kynningar.

Farið yfir minnisblað frá Sambandinu varðandi aðgerðir til viðspyrnu fyrir Íslenskt atvinnulíf að hálfu sveitarfélaga.
Bæjarstjóra og fjármálastjóra falið að skoða þessar ábendingar frekar og leggja minnisblað fyrir næsta bæjarráðsfund.
Með vísan til afgreiðslu bæjarstjórnar á máli nr. 202003045, afleiðingar og aðgerðir vegna Covid 19 og að skoðaðar verði leiðir til aukinnar atvinnusköpunar fyrir ungt fólk í sumar, er því máli jafnframt vísað til þessarar vinnu.

Lögð fram tillaga að tímabundinni heimild til breytinga á fyrirkomulagi funda bæjarstjórnar og fastanefnda Fljótsdalshéraðs meðan neyðarstig almannavarna er í gildi.

Bæjarráð leggur til við bæjarstjórn að samþykkt verði að til að tryggja starfhæfi bæjarstjórnar og til að auðvelda ákvarðanatöku við stjórn Fljótsdalshéraðs, að notaður verði fjarfundarbúnaður á fundum bæjarstjórnar og fastanefnda Fljótsdalshéraðs og að engin takmörk verði á fjölda fundarmanna sem taka þátt í fundum bæjarstjórnar og nefndum sveitarfélagsins í fjarfundarbúnaði. Jafnframt samþykkir bæjarstjórn að ritun fundargerða fari fram með öðrum hætti en mælt er fyrir um í leiðbeiningum innanríkisráðuneytisins, um ritun fundargerða, nr. 22/2013. Fundargerð skal annað hvort deilt með öllum fundarmönnum á skjá í lok fundar og lesin yfir og síðan staðfest með tölvupósti eða undirrituð rafrænt.

Samþykkt samhljóða með handauppréttingu.

Bæjarráð samþykkir að vísa málinu til fræðslunefndar til frekari umfjöllunar, ásamt þeim gögnum sem því tengjast.

Bæjarráð samþykkir að fela bæjarstjóra að fara yfir málið og vinna frekari svör við fyrirspurnum.

Erindinu vísað til starfsmanna atvinnu- og menningarnefndar og íþrótta og tómstundanefndar til frekari skoðunar.

Lagt fram til kynningar.

Bæjarráð bendir á að drögin eru nú að finna í samráðsgáttinni og hvetur alla til að kynna sér málið og senda inn ábendingar ef þurfa þykir.

Bæjarráð samþykkir að vísa erindinu til samninganefndar sveitarfélaga til frekari skoðunar og bæjarstjóra falið að koma því á framfæri við nefndina.

Lögð er fram umsögn sem bæjarstjóri sendi inn í samráðsgáttina sl. föstudag um frumvarp til laga um breytingu á lögum um svæðisbundna flutningsjöfnun og lögum um jöfnun á flutningskostnaði olíuvara.
Bæjarráð staðfestir framlagða umsögn fyrir sitt leyti.