Bæjarráð Fljótsdalshéraðs

Rædd staða mála varðandi háskólasetur á Austurlandi.

Vegna fréttar í 10 fréttum RUV 21. nóv. sl., þar sem fram kom að engin skólphreinsun færi fram á Egilsstöðum, vill bæjarráð árétta að sú frétt er ekki sannleikanum samkvæmt þar sem skólphreinsun er til staðar fyrir þéttbýlið á Fljótsdalshéraði og hefur verið um árabil.

Fundargerðin lögð fram til kynningar.

Ekki hefur tekist að halda fund með fulltrúum sveitarfélaganna og af þeim sökum er liðnum frestað.

Farið yfir þau verkefni sem hafa verið til skoðunar sem möguleg samstarfsverkefni.
M.a. kom Júlía Sæmundsdóttir félagsmálastjóri á fundinn til að kynna bæjarráði hugmyndir um sænska módelið svokallaða. Það gengur út á að fagaðilar vinni saman sem teymi út í skólunum og beiti frekari forvörnum en gert hefur verið til þessa. Með því móti er oft hægt að grípa fyrr inn í málin og leysa úr vandanum áður en hann verður mikill, börnum fjölskyldum þeirra og samfélaginu til hagsbóta.

Fyrir liggur erindi frá Katli Sigurjónssyni, varðandi mögulega nýtingu vindorku á Fljótsdalshéraði.

Bæjarráð samþykkir að þiggja boð um nánari kynningu um verkefni og hugsanlega samstarfsaðila.

Björn Ingimarsson bæjarstjóri fór yfir nýjustu drög að samningum við Arctic Hydro ehf. varðandi rannsóknar- og virkjunarleyfi á vatnasvæði Geitdalsár.
Bæjarráð samþykkir að veita bæjarstjóra heimild til að vinna drögin áfram í samráði við þær athugasemdir sem lögmaður sveitarfélagsins hefur sett fram og ræddar voru á fundinum.

Lagt fram uppsagnarbréf á leiguhúsnæði að Miðvangi 31, sem Fóðurblandan hf. hefur verið með á leigu.

Bæjarráð móttekur erindið, en að öðru leyti er það lagt fram til kynningar á þessu stigi.