Bæjarráð Fljótsdalshéraðs

Guðlaugur Sæbjörnsson fjármálastjóri sat fundinn undir þessum lið og fór yfir nokkur mál tengd rekstri og ársuppgjöri sveitarfélagsins.

Einnig var farið yfir nokkur fjármálatengd mál.

Bæjarráð samþykkir að fela bæjarstjóra að óska eftir fundi með fulltrúum verkalýðsfélaga á svæðinu varðandi stöðu og þróun húsnæðismála.

Samþykkt samhljóða með handauppréttingu.

Lögð er fram fundargerð Endurmenntunarsjóðs Fljótsdalshéraðs - 21 til staðfestingar.

Bæjarráð staðfestir fundargerðina og úthlutun styrkja úr sjóðnum. Jafnframt staðfestir bæjarráð endurskoðaðar reglur um sí- og endurmenntun starfsmanna Fljótsdalshéraðs.

Samþykkt samhljóða með handauppréttingu.

Til fundarins kom Haddur Áslaugsson og fór yfir stöðu mála varðandi nýja heimasíðu sveitarfélagsins.

Lagt fram erindi frá Fóðurblöndunni hf., dags. 10. mars 2016 með beiðni um framlengingu á leigusamningi vegna Miðvangs 31.

Bæjarráð samþykkir að fela bæjarstjóra að ganga til samninga við Fóðurblönduna um framlengingu leigusamnings til allt að eins árs.

Samþykkt samhljóða með handauppréttingu.

Til umræðu er fjarskiptasamband í dreifbýli.

Bæjarstjóri gerði grein fyrir viðræðum sem átt hafa sér stað að undanförnu með fulltrúum sveitarfélaga á Austurlandi og mögulegum samstarfsaðilum varðandi ljósleiðaravæðingu svæðisins. Einnig eru lögð fram tölvupóstsamskipti Sambands íslenskra sveitarfélaga og Fjarskiptasjóðs, þar sem umsóknarfrestur er m.a. til umfjöllunar.

Bæjarráð samþykkir að fela bæjarstjóra að vinna umsókn vegna lagnaleiðarinnar Lagarfoss - Brúarás og tenginga á þeirri leið. Jafnframt samþykkir bæjarráð að gera það að tillögu sinni, að umsóknarferli verði lengt sem nemur tveimur vikum.

Samþykkt samhljóða með handauppréttingu.

Lögð fram beiðni um að fá að skrá lögheimili að Höfða, lóð 2.

Málið er í vinnslu hjá umhverfis- og framkvæmdanefnd.

Lögð er fram tillaga til þingsályktunar um mótun stefnu til að draga úr notkun á skaðlegum efnum í neysluvörum.

Bæjarráð lýsir yfir stuðningi við tillöguna.

Samþykkt samhljóða með handauppréttingu.

Málinu vísað frá 234. fundi bæjarstjórnar, til frekari umfjöllunar.

Framlagt erindi frá Héraðsskjalasafni Austfirðinga þar sem óskað er eftir hækkun framlaga frá aðildarsveitarfélögum safnsins þar sem launahækkanir hafi verið vanáætlaðar í fjárhagsáætlun fyrir árið 2016.

Bæjarráð samþykkir að verða við erindinu með fyrirvara um að önnur aðildarsveitarfélög samþykki að verða við því fyrir sitt leyti. Jafnframt samþykkt að lagður verði fram viðauki við fjárhagsáætlun vegna málsins.

Samþykkt samhljóða með handauppréttingu.

Lagt er fram eridni sem kom frá á viðtalstíma bæjarfulltrúa 17.03.2016.

Málinu vísað til umhverfis- og framkvæmdanefndar til meðferðar.

Samþykkt samhljóða með handauppréttingu.