Bæjarráð Fljótsdalshéraðs

Lögð fram drög að verkfallslista fyrir Fljótsdalshérað, sem sveitarfélögum ber að gera og leggja síðan fram og auglýsa skv. reglum þar um fyrir 1. febrúar.
Bæjarráð fór yfir listann, uppfærði hann og samþykkti hann þannig til framlagningar. Verður listinn síðan sendur til samþykktar og birtingar í B-deild stjórnartíðinda.

Fundargerðin lögð fram til kynningar.

Varðandi lið 1c í fundargerðinni er þeim lið vísað til umhverfis- og framkvæmdanefndar til umfjöllunar. Bæjarráð tekur að öðru leyti jákvætt í þær hugmyndir sem fram hafa komið varðandi nýtingu tanksins.

Fundargerðin lögð fram til kynningar að öðru leyti.

Lagt fram þakkarbréf, dags. 16. des. 2014 frá Kristínu Albertsdóttur f.h. Heilbrigðisstofnunar Austurlands þar sem þakkað er fyrir stuðning við kaup á Lucas hnoðbretti.
Bæjarráð fagnar framtaki umgmennafélagsins Ássins, en félagið stóð fyrir söfnun meðal fyrirtækja og einstaklínga til að kaupa umrætt tæki, sem nú hefur verið keypt og afhent HSA á Egilsstöðum.

Björn Ingimarsson bæjarstjóri kynnti erindi frá Kolbrúnu Magnúsdóttur, varaðandi stefnu í starfsmannamálum sveitarfélagsins.
Bæjarráð þakkar bréfritara fyrir að vekja athygli á málinu. Jafnframt telur bæjarráð mikilvægt að fara yfir núgildandi starfsmannastefnu sveitarfélagsins og felur bæjarstjóra og skrifstofustjóra að undirbúa það verkefni og leggja fram tillögur að verkefninu á næsta fundi bæjarráðs.

Lagður fram tölvupóstur frá Sambandi íslenskra sveitarfélaga, dags. 15. jan. 2015 þar sem kynnt er samstarfsverkefni við sveitarfélög í Slóvakíu um þátttökulýðræði og vitundarvakningu íbúa um umhverfisvernd og sjálfbæra þróun.

Bæjarráð tekur jákvætt í þátttöku í verkefninu og felur bæjarstjóra að vera í sambandi við fulltrúa Sambands ísl. sveitarfélaga um framhald málsins.

Lagður fram tölvupóstur, dags. 15. jan. 2015 frá Hjörleifi Guttormssyni með hugmyndum um varðveislu sæluhússins á Fagradal og upplýsingagjöf um sögu sæluhúsa á þessum stað.

Bæjarráð hefur þegar samþykkt heimild til handa eigenda hússins um niðurrif þess, samkvæmt beiðni hans. Björgunarsveitin Hérað er núverandi eigandi hússins og því er framvinda málsins í höndum hennar.
Að mati bæjarráðs eru tillögur bréfritara þó allrar athygli verðar og hvetur bæjarráð til þess að bréfritari taki þær upp við eigenda hússins.