Bæjarráð Fljótsdalshéraðs

Björn Ingimarsson bæjarstjóri kynnti bókun bæjarstjórnar Seyðisfjarðarkaupstaðar varðandi kaup á beltum á snjótroðarann í Stafdal, en Fljótsdalshérað hefur áður samþykkt aðild að kaupunum.

Einnig fór skrifstofustjóri yfir frávikagreiningu á málaflokki 21, Sameiginlegur kostnaður og útskýrði þau frávik sem þar koma fram frá áætlun.

Fundargerðin lögð fram til kynningar.
Fram kom að gert er ráð fyrir að byggingarverktaki skili hjúkrunarheimilinu af sér um mánaðarmótin febrúar og mars.

Gunnar Jónsson greindi frá rekstri HEF á síðasta ári, sem kemur vel út miðað við framlögð yfirlit. Gunnar vék síðan af fundi við umræðu og afgreiðslu fundargerðarinnar að öðru leyti.
Eftir umræður var fundargerðin síðan lögð fram til kynningar.

Lögð fram hugmynd um að skipa starfshóps um endurskoðun starfsmannastefnu, sem verði samsettur af tveimur kjörnum fulltrúum og tveimur fulltrúum starfsmanna. Með hópnum vinni síðan skrifstofu- og starfsmannastjóri. Kallað verði eftir þátttöku annarra eftir atvikum.
Skipað verði í hópinn á næsta bæjarstjórnarfundi.

Bæjarstjóri kynnti hugmyndir sem hafa verið ræddar að hálfu Tengis varðandi mögulegar lagnaleiðir ljósleiðara um Héraðið. Þær hugmyndir eru nú í frekari vinnslu hjá fyrirtækinu, en verða vonandi lagðar fram innan tíðar.
Bæjarráð samþykkir að fela bæjarstjóra að undirbúa íbúafund um fjarskiptasamband á Fljótsdalshéraði, þegar umrædd gögn liggja fyrir. Þangað verði m.a. boðaðir fagaðilar auk aðila sem hafa sýnt áhuga á að koma að verkefninu.
Stefnt er að því að halda fundinn 12. mars.