Bæjarráð Fljótsdalshéraðs

Vegna ákvörðunar byggingarnefndar um að auglýsa eftir tillögum að nafni á nýja hjúkrunarheimilið, er bæjarstjóra og skrifstofustjóra falið að útbúa auglýsingu þar um og verði skilafrestur til 20. janúar 2015.

Fundargerðin lögð fram til kynningar.

Fundargerðin staðfest.

Jón Jónsson lögmaður mætti á fundinn undir þessum lið til að fara yfir mál HEF gegn Lánasjóði sveitarfélaga vegna láns sem HEF tók hjá Lánasjóðnum 2007 og eins til að fara yfir sjálfskuldarábyrgð sem sveitarfélagið veitti á þessu láni, eins og öðrum lánum HEF.

Bæjarráð samþykkir að gerast aðili að málinu sem stefnandi ásamt HEF. Aðild sveitarfélagsins byggir á áðurnefndri sjálfskuldarábyrgð.

Samþykkt samhljóða með handauppréttingu.

Vegna liðar 2 í fundargerð HEF. samþykkir bæjarráð að veita bæjarstjóra umboð fh. sveitarfélagsins, til að undirrita lánaskjöl HEF er tengjast lánasamningum nr. 0351-35-358200158 og nr. 0351-35-21546.

Samþykkt samhljóða með handauppréttingu.

Fundargerðin lögð fram til kynningar að öðru leyti.

Lögð fram til kynningar fundargerð 5. fundar stjórnar Ársala, frá 4. des. 2014.

Lagðar fram til kynningar fundargerð stjórnar GáF frá 30. okt. og 12. des. 2014.

Bæjarstjóri kynnti frekar umræður á fundinum, en þar var samþykkt að hætta við verkefnið.
Væntanlegar eru tillögur að fjárhagslegu uppgjöri félagsins.

Bæjarráð samþykkir að koma að endurskipulagningu fjárhags Austurbrúar út frá þeim forsendum sem fram koma í tillögum að fjárhagsáætlun ársins 2015 og framkvæmdaáætlun, sem Austurbrú hefur mótað.
Í ljósi aukinnar aðkomu stofnaðila að fjármögnun Austurbrúar næstu ár óskar bæjarráð eftir því að vera með reglubundnum hætti upplýst um stöðu þeirra áætlana sem liggja til grundvallar endurskipulagningunni.
Ofangreint er skilyrt því að framlag allra sveitarfélaga liggi fyrir sem og annarra stofnaðila, ásamt framlagi ríkisins og stofnanna þess.
Einnig að fjárhagsáætlun Austurbrúar fyrir árið 2015 haldi.

Samþykkt samhljóða með handauppréttingu.

Lögð fram bókun sveitarstjórnar Fljótsdalshrepps frá fundi 2. des. 2014 varðandi sameiginlegar eignir Fljótsdalshrepps og Fljótsdalshéraðs á Hallormsstað.

Sigrún Blöndal vék af fundi við umræðu og afgreiðslu þessa liðar.

Bæjarráð leggst ekki gegn hugmyndum Fljótsdalshrepps um sölu eigna og gerir að tillögu sinni að núverandi leigjendum verði gefinn kostur á að gera tilboð í umræddar íbúðir.

Bjarni Björgvinsson lögmaður sat fundinn undir þessum lið og fór yfir málið.

Eftirfarandi tillaga lögð fram:
Bæjarráð samþykkir að fela Bjarna Björgvinssyni lögmanni að ganga frá samkomulagi við Íslandsbanka og Nesnúp um greiðslu samkvæmt 4. tölulið 6. gr. kaupsamnings að fjárhæð kr. 10 milljónir, gegn því að uppfyllt verði skilyrði um framkvæmdir fram að lokaúttekt á húsinu.

Samþykkt samhljóða með handauppréttingu.

Lagður fram tölvupóstur frá velferðarnefnd Alþingis, dags. 2. des. 2014, með beiðni um umsögn við frumvarpi til laga um húsaleigubætur (rétt námsmanna). Málinu var frestað á 277. fundi bæjarráðs.

Bæjarráð samþykkir að gera ekki athugasemd við umrætt frumvarp.

Bæjarráð samþykkir að vísa málinu til umsagnar hjá fræðslunefnd.

Lagt fram erindi frá Skipulagsstofnun, dags. 8. des. 2014 með beiðni um umsögn varðandi breytingu á sorpurðun á Tjarnarlandi.

Bæjarráð samþykkir að fela umhverfis- og skipulagsfulltrúa að veita umrædda umsögn fh. sveitarfélagsins.

Lögð fram lokaniðurstaða PWC vegna jafnlaunakönnunar (könnunar á kynbundnum launamun) sem fyrirtækið vann fyrir Fljótsdalshérað. Áður var búið að kynna frumskýrsluna, en síðan hefur PWC unnið að loka- frágangi og afstemmingum. Sú vinna leiddi þó ekki til neinna marktækra breytinga á niðurstöðum.

Samkvæmt niðurstöðu jafnlaunaúttektarinnar eru laun kvenna hjá Fljótsdalshéraði 1,5% hærri en grunnlaun karla, en heildarlaun karla eru 1,9% hærri en heildarlaun kvenna. Þessi launamunur er innan allra skekkjumarka að mati skýrsluhöfunda og sjaldgæft að svona lítill munur komi fram á launum strax við fyrstu úttekt.
Í kjölfar þessarar niðurstöðu hefur PWC því veitt Fljótsdalshéraði gullmerki fyrirtækisins sem vott um mjög góðan árangur hvað varðar launajöfnuð kvenna og karla.
Bæjarráð fagnar þessari niðurstöðu og ítrekar þakkir sínar til þeirra sem unnu að undirbúningi og gerða jafnlaunaúttektarinnar.

Lögð fram þau erindi sem fram komu á bæjarstjórnarbekknum á markaðsdegi Barra sl. laugardag, en þau voru 18 talsins.

Eftirfarandi tillaga lögð fram:
Bæjarráð samþykkir að fela bæjarstjóra að koma erindunum á framfæri við viðkomandi nefndir og starfsmenn til frekari skoðunar og umfjöllunar.

Fundargerðin staðfest.

Fundargerðin staðfest.

Guðlaugur Sæbjörnsson fjármálastjóri sat fundinn undir þessum lið og fór yfir ýmsar tölur úr rekstri sveitarfélagsins.

Kynntur lánasamningur vegna endurfjármögnunar á leigusamningi (lánum) Eignarhaldsfélagsins Fasteignar.

Eftirfarandi tillaga lögð fram:
Bæjarráð veitir bæjarstjóra heimild til að undirrita lánaskjölin, með fyrirvara um að liður 4.1 e. í samningnum falli niður.

Samþykkt samhljóða með handauppréttingu.


Drög að kaupsamningi byggt á kauptilboði HEF í Einhleyping 1, kynnt og tekið fyrir.

Eftirfarandi tillaga lögð fram:
Bæjarráð samþykkir fyrirliggjandi drög að kaupsamningi og felur bæjarstjóra að undirrita þau fyrir hönd sveitarfélagsins.

Samþykkt samhljóða með handauppréttingu.

Kynnt innheimtuyfirlit, vegna krafa sveitarfélagsins sem fara í milliinnheimtu. Þar kemur fram að þeir sem greiða þjónustugjöld til sveitarfélagsins eru með þeim skilvísustu á landsvísu miðað við þá aðila sem eru í viðskiptum við sama innheimtuaðila. Innheimtuhlutföll á árinu 2014, hafa enn batnað frá fyrri árum og hafa um 95% greiðenda Fljótsdalshéraðs nú greitt sínar kröfur áður en þær fara í milliinnheimtu. Bæjarráð fagnar þessari jákvæðu þróun í innheimtumálum.

Varðandi kostnaðarmat á ljósleiðaravæðingu dreifbýlisins í sveitarfélaginu, samþykkir bæjarráð að heimila bæjarstjóra að semja við Tengi um gerð frumhönnunar og kostnaðaráætlunar vegna verksins.