Bæjarráð Fljótsdalshéraðs

Fundargerðin staðfest.

Fundargerðin lögð fram til kynningar. Í fundargerðinni kemur fram að aðalfundur SSA verður haldinn í Fjarðabyggð 13. og 14. september nk.

Lögð fram til kynningar keppnislýsing dagsett 29.07 2013 vegna hugmyndasamkeppninnar. Málið er áfram til vinnslu hjá valnefnd.

Bæjarráði hafa borist nokkrar tillögur að tilnefnngum til menningarverðlauna SSA fyrir árið 2013.
Bæjarráð samþykkir að koma þeim tillögum á framfæri við SSA ásamt með rökstuðningi, í samræmi við umræðum á fundinum.

Tekið fyrir bréf umhverfisráðuneytisins dagsett 26. júní, varðandi framlengingu starfsleyfis á urðunarstaðnum á Tjarnarlandi og tölvupóstur frá heilbrigðisfulltrúa varðandi málið.

Bæjarráð samþykkir að vísa erindunum til umhverfis- og héraðsnefndar til umfjöllunar og úrvinnslu.

Bæjarráð samþykkir að tilnefna tímaritið Gletting til fjölmiðlaverðlauna umhverfis- og auðlindaráðuneytisins.

Glettingur kemur út þrisvar á ári og fjallar um austfirsk málefni. Náttúra svæðisins hefur jafnan verið í forgrunni í efnistökum blaðsins. Bæjarráð telur aðstandendur blaðsins vel að viðurkenningu sem þessari komna, enda mikið hugsjónastarf unnið innan útgáfufélagsins.

Bæjarstjóra falið að koma tilnefningunni til skila ásamt því að taka saman rökstuðning í samræmi við umræður á fundinum.

Bæjarráð samþykkir að tilnefna Skarphéðinn Þórisson líffræðing til Náttúruverndarviðurkenningar Sigríðar í Brattholti.

Skarphéðinn hefur helgað sinn starfsferil rannsóknum á náttúru Austurlands og náttúruvernd. Í gegnum fræðslu og rannsóknir, t.a.m. með kennslu og útgáfu á fræðsluefni um íslensku hreindýrin, hefur hann eflt þekkingu og vitund Austfirðinga um umhverfi sitt og mikilvægi þess að vernda það og varðveita.

Bæjarstjóra falið að koma tilnefningunni til skila ásamt því að taka saman rökstuðning í samræmi við umræður á fundinum.

Björn Ingimarsson bæjarstjóri kynnti tímabundinn ráðningarsamning aðstoðarskólastjóra við Hallormsstaðaskóla.

Eftirfarandi tillaga lögð fram:
Bæjarráð staðfestir framlagðan ráðningarsamning, sem gildir út komandi skólaár.

Bæjarráð leggur til að fulltrúar sveitarfélaganna boða til fundar með öllum starfsmönnum Hallormsstaðaskóla fyrir skólabyrjun.

Eftir yfirferð umsjónarmanns tölvumála á þörf fyrir endurnýjun á tölvubúnaði samþykkir bæjarráð að miðað verði við að tölvubúnaður verði endurnýjaður sem hér segir.

Egilsstaðaskóli
3 - 5 borðtölvur, stjórnendur og starfsmenn

Fellaskóli
2 borðtölvur, stjórnendur og starfsmenn

Tjarnarskógur
3 borðtölvur, stjórnendur og starfsmenn

Hádegishöfði
2 borðtölvur, stjórnendur og starfsmenn

Fundasalir Lyngási
9 spjaldtölvur til notkunar á staðnum og tvær borðtölvur fyrir ritara í sitt hvorn fundarsalinn.

Bókasafn Héraðsbúa
1 borðtölva í afgreiðslu

Tónlistarskólinn á Egilsstöðum
3 borðtölvur, stjórnendur og starfsmenn

Tónlistarskólinn í Fellabæ
1 borðtölva, stjórnendur og starfsmenn

Tónlistarskólinn í Brúarási
1 borðtölva, stjórnendur og starfsmenn

Hallormsstaðaskóli, 1 fartölva, stjórnendur og starfsmenn.

Einnig verði vinnutölvur kjörinna fulltrúa endurnýjaðar. Gert er ráð fyrir að keyptar verði spjaldtölvur en bæjarfulltrúum er heimilt að fá frekar fartölvu sé þess óskað.

Heildarkostnaður við endurnýjunina nemur um kr. 4.000.000.- sem tekið verður af tölvukostnaði ársins. Gerður verður viðauki við fjárhagsáætlun ársins 2013 þar sem nánari grein verður gerð fyrir kostnaðinum.

Umsjónarmanni tölvumála falin endanleg útfærsla og að framkvæma innkaupin og leita hagstæðustu kosta m.t.t. til verðs, gæða og nauðsynlegra tenginga við tölvukerfi.

Að öðru leyti er endurnýjun tölvubúnaðar vísað til gerðar fjárhagsáætlunar fyrir næsta ár.

Fyrir fundinum lá erindi leigutaka að Hlymsdölum, þar sem athugasemd er gerð við leigufjárhæð.
Bæjarráð felur bæjarstjóra í samráði við félagsmálastjóra að kanna málið frekar fyrir næsta fund bæjarráðs.

Lagt fram bréf frá Orkustofnun, dagsett 6.ágúst 2013 varðandi Skilmála virkjunarleyfa Kárahnjúka- og Lagarfossvirkjunar.

Með tilliti til þess að nefndir sveitarfélagsins eru að hefja störf eftir sumarfrí nú í lok mánaðarins, óskar bæjarráð eftir fresti til 16. september til að bregðast við bréfi Orkustofnunar.
Bæjarstjóra falið að vinna athugasemdir við það sem fram kemur í erindinu, í samráði við viðkomandi fagnefndir og hagsmunaaðila. Drög að athugasemdum verði lögð fyrir fund bæjarráðs.

Lögð fram vinnuáætlun vegna fjárhagsáætlunar 2014. Bæjarráð staðfestir áætlunina.

Til fundarins mættu Gunnhildur Ingvarsdóttir formaður fræðslunefndar og Helga Guðmundsdóttir fræðslufulltrúi og Sigrún Harðardóttir formaður félagsmálanefndar og Guðrún Frímannsdóttir félagsmálastjóri og kynntu tillögur sinna nefnda til gerðar langtíma fjárfestingaáætlana Samantektum frá nefndunum síðan vísað til áframhaldandi vinnu bæjarráðs.

Fundargerðin staðfest.

Björn Ingimarsson bæjarstjóri kynnti stöðuna í málum Reiðhallarinnar á Iðavöllum.Þau mál eru í vinnslu. Einnig fór hann yfir greinargerð varðandi safnahúsið á Egilsstöðum og ræddi mögulegar lausnir á vandamálum varðandi hávaða frá stólum í salnum í Hlymsdölum, sem leiðir upp í íbúðirnar í húsinu.
Einnig fór hann yfir nokkrar talnalegar upplýsingar frá fjármálastjóra, varðandi rekstur sveitarfélagsins á árinu.

Varðandi málefni safnahússins samþykkti bæjarráð að bera fyrirliggjandi tillögu undir stofnanir safnahússins og aðildarsveitarfélög. Bæjarstjóra falið að vinna málið áfram.