Bæjarráð Fljótsdalshéraðs

Lögð fram til kynningar,fundargerð Samráðsnefndar Landsvirkjunar og Fljótsdalshéraðs 28.jan. 2014.

Bæjarráð lýsir ánægju sinni með að vel virðist hafa tekist að grafa út nýjan ós Lagarfljóts og Jöklu og hvetur Landsvirkjun til að fylgja því verkefni vel eftir, þannig að vatn renni ekki í flóðum yfir í Fögruhlíðará.
Jafnframt hvetur bæjarráð Landsvirkjun til að endurskoða áætlanir um rofvarnir, með aukna áherslu á slíkar fyrirbyggjandi aðgerðir.

Bæjarráð þakkar starfshópnum fyrir góða vinnu.
Bæjarráð samþykkir að málið verði unnið áfram á grundvelli tillagna starfshópsins.
Málið verður síðan tekið upp á næsta fundi bæjarráðs.

Lagt fram bréf frá Eignarhaldsfélagi Brunabótafélags Íslands með boði til sveitarfélagsins um að sækja um styrk vegna sérstakra framfaraverkefna 2014. Umsóknarfrestur er til loka apríl.
Málinu að öðru leyti vísað til atvinnu- menningar og íþróttafulltrúa til tillögugerðar fyrir bæjarráð.

Lagt fram afrit af bréfi, dagsett 7. febrúar 2014 til eMax með fyrirspurnum varðandi endurbætur á dreifikerfi á Fljótsdalshéraði.
Einnig farið yfir vinnufundi um bætt netsamband í dreifbýli á Fljótsdalshéraði og ýmsar upplýsingar sem komið hafa fram um það.
Bæjarstjóra falið að vinna áfram að málinu í samræmi við umræður á fundinum.

Lagt fram erindi frá Inkasso ehf., dagsett 31. janúar 2014 með beiðni um samstarf við innheimtu. Einnig kynnt sambærilegt óformlegt erindi, sem ítrekað var símleiðis, frá Momentum. Fram kom einnig að Motus hefur óskað eftir að kynna drög að endurskoðuðum samstarfssamningi.

Bæjarráð samþykkir að fresta málinu til næsta fundar.

Bæjarráð samþykkir að koma til móts við beiðni Björgunarsveitarinnar vegna niðurgreiðslu á tímum í þrek og sund fyrir virka félaga í sveitinni. Um verði að ræða tvo tíma á viku, líkt og hjá starfsmönnum sveitarfélagsins og mæting verði skráð á fyrirfram gerðan lista frá Björgunarsveitinni.
Kostnaður verði færður á lið 07-41 sem er kostnaður við almannavarnir.

Lögð fram umsögn Heilbrigðiseftirlits Austurlands um drög að samþykkt um hænsnahald á Fljótsdalshéraði.

Bæjarráð samþykkir að uppfæra drög að samþykktinni til samræmis við ábendingar HAUST og leggja síðan fyrir bæjarstjórn til annarrar umræðu.

Erindi frá Landssamtökum hjólreiðamanna, þar sem kynntar eru hjólreiðar, samgöngusamningar og fl.

Lagt fram til kynningar.

Lagt fram til kynningar bréf frá Innanríkisráðuneytinu, dagsett 27. janúar 2014 þar sem kynnt er tilraunaverkefni um rafrænar íbúakosningar.

Lagt fram til kynningar afrit af bréfi, dagsett 24. janúar 2014, sem Samband íslenskra sveitarfélag sendi Hafnarfjarðarkaupstað, varðandi aðkomu sambandsins að endurskoðun samninga um byggingu hjúkrunarheimila skv. leiguleið.

Lagt fram til kynningar afrit af bréfi Ríkisendurskoðunar varðandi skil á ársreikningum Vísindagarðsins og einnig svör formanns stjórnar Vísindagarðsins við bréfinu.

Vinnufundur um málið var haldinn 30 jan. þar sem aðal- og varamenn í bæjarstjórn fóru yfir málið og þá valkosti sem aðallega hafa verið ræddir í stöðunni.

Bæjarráð samþykkir að setja af stað þarfagreiningarnefnd fyrir menningarhús á Fljótsdalshéraði þar sem unnið verði með Sláturhúsið og safnahúsið. Kallað verði eftir fulltrúum frá ríkinu inn í nefndina, en skipan hennar að hálfu sveitarfélagsins verður afgreidd á næsta fundi bæjarráðs.

Lögð fram drög að breytingum á samþykktum fyrir Samband sveitarfélaga á Austurlandi.

Bæjarráð gerir ekki athugasemdir við framlögð drög, en hvetur aðra bæjarfulltrúa til að kynna sér þau og koma á framfæri athugasemdum ef einhverjar eru.

Guðlaugur Sæbjörnsson fjármálastjóri sat fundinn undir þessum lið og kynnti ýmis mál tengd fjármálum, bókhaldi og uppgjöri sveitarfélagsins.

Endurskoðun á innkaupareglum Fljótsdalshéraðs og viðmiðunartölum í þeim.
Að tillögu innkauparáðs leggur bæjarráð til við bæjarstjórn að viðmiðunartölum verði breytt, ásamt nokkrum minniháttar breytingum á texta. Einnig að vísitölutenging fjárhæða taki mið af neysluverðsvísitölu í stað byggingarvísitölu, eins og nú er. Skrifstofustjóra falið að ganga frá breytingartillögunum í textaskjali og leggja fyrir bæjarstjórn.

Aðild að ríkiskaupasamningi.
Bæjarráð samþykkir að Fljótsdalshérað verði áfram aðili að ríkiskaupasamningi.

Bæjarstjóri gerði grein fyrir stjórnsýsluendurskoðun hjá Fljótsdalshéraði og mælist bæjarráð til þess að brugðist verði við þeim ábendingum sem þar koma fram.

Rædd málefni Reiðhallarinnar Iðavöllum ehf og bæjarstjóra falið að boða til aðalfundar, ganga frá ársuppgjöri og undirbúa nauðsynlegar samþykktarbreytingar fyrir aðalfundinn.

Lagt fram erindi frá Pálmari Hreinsyni og Lindu K. Guttormsdóttur. Samþykkt að óska eftir fundi með þeim til að fá frekari upplýsingar um málið.

Bæjarstjóri kynnti erindi frá Jósef Valgarð Þorvaldssyni varðandi möguleg kaup á hlut Fljótsdalshéraðs í félaginu Dýralífi.
Bæjarráð óskar eftir því við stjórn félagsins að lagðir verði fram ársreikningar félagsins 2013 þannig að hægt verði að taka afstöðu til erindisins.

Farið yfir umræður og málefni frá fundi með fulltrúum Vegagerðarinnar á Reyðarfirði sem haldinn var 31. janúar sl. og nokkrir fulltrúar bæjarráðs, nefnda og starfsmanna Fljótsdalshéraðs sátu.

Bæjarráð leggur til að deiliskipulag efri Selbrekkuhverfis verið tekið til endurskoðunar með tilliti til vegtenginga við Norðfjarðarveg. Jafnframt verið gildandi hraðatakmarkanir á Norðfjarðarvegi á þessu svæði teknar til athugunar.

Bæjarráð samþykkir að fela bæjarstjóra að boða til fundar um útskot og áningarstaði við vegi innan sveitarfélagsins.

Varðandi gerð göngustígs meðfram hitaveitulögn við þjóðveg 1 í Fellabæ að Lagarfljótsbrú, samþykkir bæjarráð að fela bæjarstjóra i samstarfi við hitaveitustjóra að ganga frá umsókn til Vegagerðarinnar um 50% kostnaðarþátttöku í gerð hans, samkvæmt reglum þar um.

Bæjarráði er brugðið við þær upplýsingar að ástand Lagarfljótsbrúar sé svo lélegt að Vegagerðin treystir sér ekki til að framkvæma á henni lágmarks viðhald og að hún sé ekki talin bera breikkun göngustígs.
Með ólíkindum hlýtur því að teljast að gerð nýrrar Lagarfljótsbrúar hafi verið tekin út úr nýrri samgönguáætlun, en áður var áformað að framkvæmdum við hana væri lokið árið 2011.

Fundargerðin lögð fram til kynningar.

Lagðar fram til kynningar fundargerðir Stýrihóps um sjálfbærniverkefni á Austurlandi, frá 11. nóvember 2013 og 13. janúar 2014.

Lögð fram til kynningar, fundargerð byggingarnefndar hjúkrunarheimilis frá 5.febrúar 2014.

Fundargerðin lögð fram til kynningar.

Fundargerðin staðfest.

Guðlaugur Sæbjörnsson fjármálastjóri lagði fram viðauka nr. 1 og 2 við fjárhagaáætlun ársins 2014, en þar er gert ráð fyrir lækkun tekna af sorpgjöldum, eins og bæjarstjórn samþykkti á síðasta fundi sínum.

Viðaukinn 1 er sem hér segir:
08-01 Lækkun tekna v. sorpgjalda kr: 1.057.000
00-06 Hækkun tekna v. fasteignask. magnaukn. 1.057.000
08-21 Lækkun tekna af sorpplani kr. 720.000
00-21 Hækkun tekna v. fjölgunar lóða 720.000

Breyting nettó 0

Viðaukinn 2 er sem hér segir:
05-35 Lækkun framl. Minjasafns Al. v.safnah. 8.507.000
05-31 Lækkun framl. Héraðskjalas. v. safnah. 2.120.000

31-50 Hækkun rekstarkostn. Eignasj.v safnah. 3.025.000
31-50 Hækkun Eignasj. v. fasteignagj.safnah. 470.000
Hækkun fjárfestinga v. safnahúss 7.132.000

Breyting nettó 0

Ofangreindir viðaukar samþykktir samhljóða.

Í vinnslu.