Atvinnu- og menningarnefnd

Fyrir liggja gögn er varða gerð fjárhagsáætlunar fyrir 2021. Á fundinn undir þessum lið mætti forstöðufólk stofnana sem undir nefndina heyra, þær Bára Stefánsdóttir, Elsa Guðný Björgvinsdóttir, Jóhanna Hafliðadóttir, Ragnhildur Ásvaldsdóttir.

Atvinnu- og menningarnefnd samþykkir fyrirliggjandi drög að fjárhagsáætlun nefndarinnar fyrir 2021 og vísar henni til bæjarráðs.

Samþykkt samhljóða með handauppréttingu.

Fyrir liggur tölvupóstur, dagsettur 15. maí 2020, frá Jónínu Brynjólfsdóttur hjá Austurbrú, með ósk um samstarf sveitarfélaga um uppsetningu vefmyndavéla.

Starfsmanni falið að afla frekari upplýsinga um verkefnið og leggja fyrir næsta fund nefndarinnar.

Samþykkt samhljóða með handauppréttingu.

Fyrir liggur erindi, dagsett 20. maí 2020, frá Þjónustusamfélaginu á Héraði, þar sem óskað er eftir stuðningi við verkefnið Lifandi tónlist á veitingahúsum í sumar; Iðandi líf á Egilsstöðum.

Atvinnu- og menningarnefnd er jákvæð fyrir verkefninu og felur starfsmanni að kalla eftir nánari útfærslu á því og leggja fyrir næsta fund nefndarinnar.

Samþykkt samhljóða með handauppréttingu.

Fyrir liggur til kynningar fundargerð stjórnar Héraðsskjalasafns Austfirðinga frá 11. maí 2020.