Atvinnu- og menningarnefnd

Fyrir liggur að gera starfsáætlun nefndarinnar fyrir 2020. Málið var á dagskrá síðasta fundar nefndarinnar.

Atvinnu- og menningarnefnd samþykkir fyrir sitt leyti fyrirliggjandi starfsáætlun.

Samþykkt samhljóða með handauppréttingu.

Fyrir liggur tölvupóstur frá Sigrúnu Hólm Þórleifsdóttur um flutningsjöfnunarsjóð. Málið var á dagskrá á síðasta fundi nefndarinnar.

Atvinnu- og menningarnefnd vekur athygli atvinnurekenda á að kynna sér Flutningsjöfnunarsjóð sem hýstur er hjá Byggðastofnun. En hlutverk sjóðsins er að styrkja framleiðslufyrirtæki sem búa við skerta samkeppnisstöðu vegna hærri flutningskostnaðar.

Samþykkt samhljóða með handauppréttingu.

Fyrir liggur listi um minnismerki og -vörður í sveitarfélaginu.

Starfsmanni falið að taka saman upplýsingar um minnismerki í sveitarfélaginu m.a. með tilliti til ástands þeirra og aðgengis.

Samþykkt samhljóða með handauppréttingu.

Fyrir liggur erindi frá Benedikt Warén um að skipa þriggja manna nefnd til að endurskoða og yfirfara gögn um gagnaver á Héraði og gera tillögu um framhald slíks verkefnis.

Atvinnu- og menningarnefnd óskar eftir upplýsingum frá Landsneti um flutningsgetu og öryggi á afhendingu raforku til svæðisins í ljósi umræðu um ýmis tækifæri til atvinnuuppbyggingar, m.a. gagnaveri.
Nefndin vísar jafnframt til fyrri bókunar frá 21. janúar 2019 um að við endurskoðun aðalskipulags fyrir sveitarfélagið verði skoðuð möguleg svæði fyrir gagnaver.

Samþykkt samhljóða með handauppréttingu.

Fyrir liggur erindi frá Benedikt Warén um að ályktað verði um að ekki verði braskað með hreinleika orku.

Nefndin telur sig ekki hafa nægar upplýsingar um málið til að taka afstöðu til þess að svo stöddu. Málið að öðru leyti í vinnslu.

Samþykkt samhljóða með handauppréttingu.