Atvinnu- og menningarnefnd

Fyrir liggja úthlutunarreglur og fleiri gögn er varða Avinnumálasjóð Fljótsdalshéraðs.

Atvinnu- og menningarnefnd leggur til að auglýst verði eftir styrkjum úr Atvinnumálasjóði Fljótsdalshéraðs með umsóknarfresti til 31. janúar 2020.

Samþykkt samhljóða með handauppréttingu.

Fyrir liggja drög að samningi milli Fljótsdalshéraðs og Sambands sveitarfélaga á Austurlandi um gerð tillagna og áætlunar um framkvæmd þess að gera Úthérað að áfangastað ferðamanna. Verkefni þetta er unnið
samhliða og í framhaldi af vinnu við verkefni byggðaáætlunar, C9 um tækifæri og áhrif friðlýstra svæða á nærsvæði þeirra.

Atvinnu- og menningarnefnd samþykkir fyrirliggjandi samningsdrög samhljóða en einn sat hjá (IH) og verði samningsupphæðin tekin af lið 1305.

Fyrir liggur til kynningar fundargerð stjórnar Héraðsskjalasafns Austfirðinga frá 12. nóvember 2019.

Fyrir liggja drög að gjaldskrá fyrir félagsheimilið Iðavelli.

Atvinnu- og menningarnefnd samþykkir fyrirliggjandi drög að gjaldskrá fyrir félagsheimilið Iðavelli sem taki gildi frá og með 1. janúar 2020.

Samþykkt samhljóða með handauppréttingu.

Fyrir liggja drög að gjaldskrá fyrir félagsheimilið Hjaltalund.

Atvinnu- og menningarnefnd samþykkir fyrirliggjandi drög að gjaldskrá fyrir félagsheimilið Hjaltalund sem taki gildi frá og með 1. janúar 2020.

Samþykkt samhljóða með handauppréttingu.

Fyrir liggja drög að samningi um tónlistarflutning við Lúðrasveit Fljótsdalshéraðs.
Málið var áður á dagskrá nefndarinnar 14.11. 2019.

Atvinnu- og menningarnefnd samþykkir fyrir sitt leiti fyrirliggjandi drög að samningi við Lúðrasveit Fljótsdalshéraðs.

Samþykkt samhljóða með handauppréttingu.

Fyrir liggur styrkbeiðni frá Náttúruverndarsamtökum Austurlands vegna 50 ára afmælis þeirra á næsta ári.
Bæjarráð vísaði málinu til atvinnu- og menningarnefndar, 25.11. 2019, til afgreiðslu.

Atvinnu- og menningarnefnd hvetur Náttúruverndarsamtök Austurlands til að sækja um menningarstyrk til sveitarfélagsins sbr. auglýsingu um slíka styrki sem er með umsóknarfrest til og með 16. desember 2019.

Samþykkt samhljóða með handauppréttingu.

Fyrir liggur tölvupóstur frá undirbúningshópi um Jólaköttinn 2019 (markað), dagsettur 27.11. 2019, með beiðni um styrk vegna leigu á tjaldi.

Atvinnu- og menningarnefnd leggur til að verkefnið verði styrkt um kr. 300.000 sem takist af lið 1389.

Samþykkt samhljóða með handauppréttingu.

Fyrir liggur tillaga frá Benedikt Warén, um verkefnið Þorpið, söfnun upplýsinga um frumbyggja Egilsstaða.

Í vinnslu.

Fyrir liggur tillaga frá Benedikt Warén, þar sem lagt er til að fundað verði með forsvarsmönnum flugfélagsins Ernis um flugsamgöngur við Austurland.

Í framhaldi af fundi fulltrúa sveitarfélagsins með Air Iceland Connect í haust leggur atvinnu- og menningarnefnd til að fulltrúar Flugfélagsins Ernis verði boðaðir á fund með fulltrúum sveitarfélagins á nýju ári, um möguleika og tækifæri til að nýta Egilsstaðaflugvöll.

Samþykkt samhljóða með handauppréttingu.