Atvinnu- og menningarnefnd

Fyrir liggur rammi fjárhagsáætlunar málaflokka sem undir nefndina heyra, gefinn út af fjármálastjóra 11. mars 2019.

Atvinnu- og menningarnefnd felur starfsmanni að undirbúa gerð fjárhagsáætlunar m.a. í samstarfi við forstöðumenn sem undir nefndina heyra.

Samþykkt samhljóða með handauppréttingu.

Fyrir liggja til kynningar gögn er varða menningarhús á Fljótsdalshéraði.
Lagt fram til kynningar en málið er í vinnslu.

Fyrir liggur tölvupóstur dagsettur 19. mars 2019, frá Benedikt Warén, með tillögu um að kannað verði með framboð flugsæta til Austurlands og hvaða verð á flugmiðum er í boði.

Atvinnu- og menningarnefnd felur starfsmanni að vinna í málinu sem verður tekið fyrir aftur á næsta fundi nefndarinnar.

Samþykkt samhljóða með handauppréttingu.

Fyrir liggur samþykkt Starfsáætlun atvinnu- og menningarnefndar fyrir 2019.

Áætlunin rædd og yfirfarin.