Atvinnu- og menningarnefnd

Fyrir liggja umsóknir um menningarstyrki en umsóknarfrestur var til 15. desember 2017.

Í vinnslu.

Fyrir liggja úthlutunarreglur Atvinnumálasjóðs Fljótsdalshéraðs.

Atvinnu- og menningarnefnd leggur til að auglýstir verði styrkir til umsóknar úr Atvinnumálasjóði Fljótsdalshéraðs og felur starfsmanni að gera það.

Samþykkt samhljóða með handauppréttingu.

Fyrir liggur bréf dagsett 5. desember 2017 frá Ásdísi Jóhannsdóttur þar sem hún býður sveitarfélaginu að kaupa málverk eftir sig.

Atvinnu- og menningarnefnd hafnar erindinu að svo komnu máli og felur starfsmanni nefndarinnar að vinna drög að reglum um listaverk í eigu sveitarfélagsins, þar sem m.a. verði fjallað um kaup á listaverkum.

Samþykkt samhljóða með handauppréttingu.

Fyrir liggja drög að endurskoðuðum samningi við Fimleikadeild Hattar um undirbúning, stjórnun og framkvæmd 17. júní hátíðahalda á Fljótsdalshéraði.
Málið var síðast á dagskrá nefndarinnar 11. desember 2017.

Atvinnu- og menningarnefnd samþykkir fyrirliggjandi drög fyrir sitt leyti.

Samþykkt samhljóða með handauppréttingu.

Fyrir liggja hugmyndir að reglum er varða menningarmál og styðja eiga við stefnu sveitarfélagsins í menningarmálum.

Málið í vinnslu.