Atvinnu- og menningarnefnd

Til kynningar er ráðning í starf forstöðumanns Menningarmiðstöðvar Fljótsdalshéraðs, en nýr forstöðumaður, Kristín Amalía Atladóttir, tekur til starfa frá og með næstu áramótum.
Atvinnu- og menningarnefnd býður Kristínu velkomna til starfa fyrir Menningarmiðstöðina og óskar henni velfarnaðar í starfi.

Samþykkt samhljóða með handauppréttingu.

Fyrir liggja drög að samningi um Egilsstaðastofu og tjaldsvæðið á Egilsstöðum, milli Fljótsdalshéraðs og Austurfarar, og Þjónustusamfélagsins á Héraði að þeim þáttum sem eingöngu snúa að Egilsstaðastofu.
Málið var síðast á dagskrá nefndarinnar 21. nóvember 2016.

Atvinnu- og menningarnefnd samþykkir fyrirliggjandi drög að samningi fyrir sitt leyti en vísar viðauka við samninginn, um uppbyggingu á svæðinu, til umhverfis- og framkvæmdanefndar.

Samþykkt samhljóða með handauppréttingu.

Fyrir liggja drög að samningi milli Fljótsdalshéraðs og Þjónustusamfélagsins á Héraði.
Málið var síðast á fundi nefndarinnar 21. nóvember 2016.

Atvinnu- og menningarnefnd samþykkir fyrirliggjandi drög að samningi fyrir sitt leyti.

Samþykkt samhljóða með handauppréttingu.

Fyrir liggur erindi frá Austurbrú, dagsett 7. desember 2016 þar sem óskað er eftir vinnuframlagi atvinn-, menningar- og ferðamálafulltrúa sveitarfélaganna á Austurlandi vegna aðkomu að verkefninu Áfangastaðurinn Austurland.

Atvinnu- og menningarnefnd mælir með því að starfsmaður nefndarinnar sinni verkefninu hér eftir sem hingað til.

Samþykkt samhljóða með handauppréttingu.

Fyrir liggur tillaga að gjaldskrá fyrir fyrir Félagsheimilið Hjaltalund fyrir 2017.

Atvinnu- og menningarnefnd samþykkir tillögu að gjaldskrá Félagsheimilisins Hjaltalundar um 3% hækkun fyrir árið 2017.

Samþykkt samhljóða með handauppréttingu.

Fyrir liggur tillaga að gjaldskrá fyrir Félagsheimilið Iðavelli fyrir 2017.

Atvinnu- og menningarnefnd samþykkir tillögu að gjaldskrá Félagsheimilisins Iðavalla um 3% hækkun fyrir árið 2017.

Samþykkt samhljóða með handauppréttingu.

Fyrir liggur tillaga að gjaldskrá Sláturhússins menningarseturs fyrir árið 2107.

Atvinnu- og menningarnefnd samþykkir tillögu að gjaldskrá Sláturhússins menningarseturs um 3% hækkun fyrir árið 2017.

Samþykkt samhljóða með handauppréttingu.