Atvinnu- og menningarnefnd

Fyrir liggja drög að breytingum á samþykktum fyrir Menningarmiðstöð Fljótsdalshéraðs.

Atvinnu- og menningarnefnd samþykkir fyrir sitt leyti drög að endurskoðuðum samþykktum fyrir Menningarmiðstöð Fljótsdalshéraðs.

Samþykkt samhljóða með handauppréttingu.

Fyrir liggja umsagnir nefnda og stofnana við drög að menningarstefnu Fljótsdalshéraðs.

Atvinnu- og menningarnefnd samþykkir fyrir sitt leyti drög að menningarstefnu sveitarfélagsins en telur að torvelt geti reynst að framkvæma leið númer 20 í kafla tvö, um gjaldtöku fyrir listviðburði og sýningar á vegum sveitarfélagsins.

Samþykkt samhljóða með handauppréttingu.

Fyrir liggur fundarboð vegna aðalfundar Gróðrastöðvarinnar Barra ehf, 11. maí 2016. Einnig ársreikningur Barra fyrir 2015.

Atvinnu og menningarnefnd leggur til að bæjarstjóri fari með atkvæði sveitarfélagsins á aðalfundi Gróðrastöðvarinar Barra. Jafnframt eru nefndarfulltrúar hvattir til að mæta á fundinn.

Samþykkt samhljóða með handauppréttingu.

Fyrir liggur fundarboð á aðalfund Landskerfis bókasafna hf. 11. maí 2016.

Lagt fram til kynningar.

Fyrir liggur styrkumsókn frá Leikhópnum Grímu, undirrituð af Sigurbjörgu Lovísu Árnadóttur, vegna uppsetningar á leiksýningu í sumar.

Atvinnu og menningarnefnd leggur til að verkefnið verði styrkt um kr. 100.000 sem tekið verði af lið 0589.

Samþykkt samhljóða með handauppréttingu.

Fyrir liggja gögn um verkefni um endurskoðun á upplýsingaveitu til ferðamanna, sem unnið er að á vegum Ferðamálastofu.

Lagt fram til umræðu og kynningar.

Fyrir liggur fyrirspurn um reglur um farandsölu.

Málið er í vinnslu.

Til umræðu og í vinnslu.