Atvinnu- og menningarnefnd

Fyrir lá til kynningar fundargerð aðlafundar Héraðsskjalasafns Austfirðinga sem haldinn var 25. nóvember 2015.

Fyrir lá til kynningar fundargerð stjórnar Héraðsskjalasafns Austfirðinga frá 25. nóvember 2015.

Fyrir liggur tölvupóstur frá forstöðumanni Minjasafns Austurlands, dagsettur 6. nóvember 2015, með fundargerð stjórnar Minjasafnsins frá 14. september 2015 og fjárhagsáætlunargögnum.

Lagt fram til kynningar.

Fyrir liggur minnisblað, dagsett 17. nóvember 2015, frá Elsu Guðnýju Björgvinsdóttur, forstöðumanni Minjasafns Austurlands, vegna fundar hennar með fulltrúa Þjóðminjasafns Íslands, um Galtastaði fram.

Atvinnu- og menningarnefnd óskar eftir að forstöðumaður Minjasafns Austurlands undirbúi fund með nefndinni, fulltrúa Þjóðminjasafnsins og Minjasafns Austurlands um mögulegt samstarf um leiðir til að efla Galtastaði fram sem einn af áhugaverðum áfangastöðum í sveitarfélaginu.

Samþykkt samhljóða með handauppréttingu.

Fyrir liggur umsókn um styrk, frá Erlu Dóru Vogler, dagsett 12. nóvember 2015, til að halda tónleika með jólalögum í nýju húsnæði aldraðra á Egilsstöðum í desember.

Atvinnu og menningarnefnd leggur til að verkefnið verði styrkt um kr. 30.000 sem tekið verði af lið 0589.

Samþykkt samhljóða með handauppréttingu.

Fyrir liggur til kynningar afrit af bréfi frá Hjörleyfi Guttormssyni til Minjastofnunar Íslands, dagsett 4. nóvember 2015, þar sem lagt er til að Læknisbústaðurinn á Hjaltastað verði friðlýstur.

Einnig liggur fyrir til kynningar afrit af svarbréfi forsætisráðuneytisins við erindi Hjörleifs þar sem fram kemur að ríkur áhugi er fyrir að fylgjast áfram með þessu máli.

Fyrir liggur til kynningar skýrslan Auknir möguleikar í millilandaflugi sem unnin var á vegum Forsætisráðuneytisins. En starfshópurinn sem vann skýrsluna hafði það hlutverk að gera tillögur að því hvernig koma mætti á reglulegu millilandaflugi um aðra flugvelli en Keflavík.

Atvinnu- og menningarnefnd fagnar þeim niðurstöðum sem fram koma í skýrslunni forsætisráðuneytisins.

Samþykkt samhljóða með handauppréttingu.

Fyrir liggja minnispunktar og hugmyndir um atvinnumálaráðstefnu sem fyrirhugað er að halda á fyrrihluta næsta árs. Málið er enn í vinnslu.

Fyrir liggja til kynningar og umræðu drög að menningarstefnu sveitarfélagsins. Málið er áfram í vinnslu.

Fyrir liggur bréf dagsett 10. desember 2015, undirritað af starfandi þjóðgarðsverði austursvæðis og formanni svæðisráðs austursvæðis Vatnajökulsþjóðgarðs, þar sem óskað er eftir fundi með fulltrúum sveitarfélaga og Austurbrúar um uppbyggingu upplýsingamiðstöðva og þá sérstaklega í Möðrudal.

Atvinnu og menningarnefnd leggur til að atvinnu-, menningar- og íþróttafulltrúi sæki fundinn fyrir hönd sveitarfélagsins.

Samþykkt samhljóða með handauppréttingu.