Atvinnu- og menningarnefnd

Fyrir liggur umsókn um styrk frá Þroskahjálp á Austurlandi, undirrituð af Kristínu Rut Eyjólfsdóttur, vegna Listar án landamæra.

Atvinnu- og menningarnefnd leggur til að verkefnið verði styrkt um kr. 150.000 sem tekið verði af lið 05.89.

Samþykkt samhljóða með handauppréttingu

Farið yfir drög að starfslýsingu fyrir forstöðumann Menningarmiðstöðvar Fljótsdalshéraðs.

Atvinnu og menningarnefnd samþykkir fyrirliggjandi drög og felur starfsmanni að auglýsa eftir forstöðumanni Menningarmiðstöðvar Fljótsdalshéraðs.

Samþykkt samhljóða með handauppréttingu.

Málefni gamla barnaskólans á Eiðum rædd. Starfsmanni falið að hafa samband við Kvenfélag Eiðaþinghár vegna núverandi reksturs gamla barnaskólans á Eiðum.

Samþykkt samhljóða með handauppréttingu.

Fyrir liggur til kynningar fundargerð starfshóps um mótun dagskrár til að minnast 100 ára afmælis kosningaréttar kvenna.

Fundargerðin lögð fram til kynningar.

Fyrir liggur til umsagnar frumvarp til laga um landsáætlun um uppbyggingu innviða fyrir ferðamenn
til verndar náttúru og menningarsögulegum minjum.

Atvinnu- og menningarnefnd líst vel á markmið fumvarpsins og gerir ekki athugasemdir við það.

Samþykkt samhljóða með handauppréttingu.

Fyrir liggur fundargerð fagráðs Menningarmiðstöðvar Fljótsdalshéraðs, frá 10. febrúar 2015.

Fundargerðin lögð fram til kynningar.

Fyrir liggja drög að starfsáætlun atvinnu- og menningarnefndar. Málið var síðast á dagskrá 9. febrúar 2015.

Atvinnu- og menningarnefnd samþykkir fyrirliggjandi starfsáætlun með handauppréttingu.

Fyrir liggur umsókn um styrk frá Málfundarfélagi Menntaskólans á Egilsstöðum vegna Morfís-keppni sem fyrirhuguð er á Egilsstöðum.

Atvinnu- og menningarnefnd leggur til að verkefnið verði styrkt um kr. 30.000 sem verði tekið af lið 05.89.

Samþykkt samhljóða með handauppréttingu.