Atvinnu- og menningarnefnd

Málið er í vinnslu og verður tekið fyrir aftur á næsta fundi nefndarinnar.

Á fundinn undir þessum lið mætti Unnar Erlingsson frá Austurneti og kynnti humyndir um stofnun frumkvöðlaseturs.

Atvinnu- og menningarnefnd tekur vel í fyrirliggjandi hugmyndir um aðkomu að stofnun frumkvöðlaseturs í samstarfi við aðra hagsmunaaðila.

Samþykkt samhljóða með handauppréttingu.

Fyrir liggja drög að samningi milli Fljótsdalshéraðs og Minjasafns Austurlands um geymslu muna safnsins í bragganum við Sláturhúsið - menningarsetur.

Samningsdrögin samþykkt samhljóða með handauppréttingu.

Fyrir liggja drög að endurnýjuðum samningi við Sænautasel ehf um Sænautasel á Jökuldalsheiði.

Samningsdrögin samþykkt samhljóða með handauppréttingu.

Kristjána Jónsdóttir yfirgaf fundinn undir afgreiðslu málsins.

Fyrir liggur umsókn í Atvinnumálasjóð Fljótsdalshéraðs, frá Félagi skógarbænda á Austurlandi, vegna kaupa á kurlara.

Þar sem öllu fjármagni hefur verið úthlutað úr Atvinnumálasjóði á þessu ári sér atvinnu- og menningarnefnd sér ekki fært að verða við beiðni umsækjanda.

Samþykkt samhljóða með handauppréttingu.

Fyrir liggur umsögn Héraðsskjalasafns Austfirðinga um myndefni sem sveitarfélaginu hefur verið boðið til kaups.
Málið var áður á dagskrá nefndarinnar 7. júlí 2014.

Í vinnslu.

Fyrir liggur auglýsing frá Minjastofnun Íslands þar sem auglýst er eftir umsóknum um styrki úr húsfriðunarsjóði, en umsóknarfrestur er til 1. desember 2014.

Atvinnu- og menningarnefnd hvetur eigendur gamalla húsa á Héraði að huga að varðveislu þeirra og vekur athygli á að umssóknarfrestur til Minjastofnunar Íslands vegna styrkja er til 1. desember.

Samþykkt samhljóða með handauppréttingu.

Fyrir liggur til kynningar fundargerð stjórnar Minjasafns Austurlands frá 28. október 2014.

Lagt fram til kynningar.

Fyrir liggur bréf frá Kvenréttindafélagi Íslands þar sem Fljótsdalshéraði er boðið að sett verði upp farandsýning í sveitarfélaginu um kvenréttingabaráttu síðustu 100 ára.

Atvinnu- og menningarnefnd þiggur boð Kvenréttindafélagsins um sýningu á Héraði í júli. Í tengslum við sýninguna verði hugað að fleiri viðburðum, er tengjast tímamótunum.

Samþykkt samhljóða með handauppréttingu.

Fyrir liggur auglýsing um málþing um stöðu innflytjenda í sveitarfélögum, sem haldið verður í Reykjanesbæ 14. nóvember.

Lagt fram til kynningar.

Fyrir liggur til kynningar fundargerðir Héraðsskjalasafns Austfirðinga frá 6. og 9. október 2014.

Lagt fram til kynningar.

Fyrir liggur til kynningar fundargerð Héraðsskjalasafns Austfirðinga frá 30. apríl 2014.

Lagt fram til kynningar.