Atvinnu- og menningarnefnd

Á fundinum undir þessum lið sátu Þór Ragnarsson og Hannibal Guðmundsson frá Ferðaskrifstofu Austurlands og kynntu hugmyndir sínar um nýtingu Egilsstaðaflugvallar.

Atvinnu- og menningarnefnd krefst þess að verð á flugvélaeldsneyti verði það sama um allt land. Eins og staðan er nú er þar verulegur munur á og samkeppnishamlandi fyrir Egilsstaðaflugvöll.
Nefndin leggur til að bæjarstjórn fylgi málinu eftir af festu.

Samþykkt samhljóða með handauppréttingu.

Á fundinn undir þessum lið mætti Ásta Kristín Sigurjónsdóttir, verkefnastjóri hjá Fjarðabyggð og gerði grein fyrir stöðu verkefnisins um olíuleit- og vinnslu á Drekasvæðinu, en sveitarfélögin Fjarðabyggð og Fljótsdalshéraðs standa saman að því.
Ástu er að lokum þökkuð greinargóð kynning.

Fyrir liggur bréf, dagsett 20. febrúar 2015, frá atvinnu- og nýsköpunarráðuneytinu, þar sem staðfest er að verkefnið "Dyrfjöll - Stórurð: Gönguparadís til framtíðar" hlaut fimm milljón króna styrk úr Framkvæmdasjóði ferðamannastaða.

Atvinnu- og menningarnefnd fagnar styrkveitingunni. Að öðru leyti lagt fram til kynningar.

Farið yfir fyrirkomulag úthlutunar menningarstyrkja. Málið verður tekið upp aftur á næsta fundi.

Samþykkt samhljóða með handauppréttingu.

Fyrir liggur til kynningar eftirlitsskýrsla frá Heilbrigðiseftirliti Austurlands, dagsett 28. janúar 2015, vegna Sláturhússins - menningarmiðstöðvar.

Fyrir liggur bréf til kynningar frá Styrktarsjóði EBÍ til aðildarsveitarfélaga, dagsett 12. febrúar 2015, þar sem vakin er athygli á að umsóknarfrestur í sjóðinn er til aprílloka.

Fyrir liggur styrkumsókn frá Suncönu Slamnig vegna sembalhátíðar í Vallaneskirkju í mars 2015.

Atvinnu- og menningarnefnd leggur til að verkefnið verði styrkt um kr. 100.000 sem tekið verði af lið 05.74.

Samþykkt samhljóða með handauppréttingu.

Ragnhildur Rós Indriðadóttir vék af fundi undir þessum lið.

Fyrir liggja umsóknir til Atvinnumálasjóðs Fljótsdalshéraðs, en umsóknarfrestur rann út 1. mars 2015. Umsóknirnar verða teknar til afgreiðslu á næsta fundi nefndarinnar.