Þjóðleikur 2022

Námskeið fyrir leibeinendur 

Námskeiðið gengur út á að kenna væntalegum leibeinendum grunnatriði leiklistar og leikstjórnar. Listir geta með sanni gert tilkall til þess að vera hluti menntunar. Fyrir tilstuðlan listanna geta nemendur skapað nýja fagurfræðilega þekkingu og dýpkað mannlegar langanir sínar og reynslu. Þeir öðlast skilning á samspili einstaklings og samfélags og félagslegra tengsla, hæfnina til þess að setja sig í spor annarra og rækta lýðræðislega sýn. Að horfa á leikrit getur hjálpað okkur að skilja sögu, menningu og samfélag í heild um leið og það hjálpar nemendum að þroskast sem persónur , að taka þátt í að skapa og flytja eigin texta og annarra; að geta gagnrýnt og rökrætt leikið efni á sviði á uppbyggjandi hátt og sett það í menningarlegt og sögulegt samhengi. Leiklist getur haft félagsleg, fagurfræðileg og tilfinningaleg áhrif á fólk. Að auki stuðlar leiklist og leiksýning að skilning á menningararfi og listrænum verðmætum sem felast í leikbókmenntum og leiksýningum.

Kennarar eru Dr. Rannveig Björk Þorkelsdóttir dósent við Menntavísindasvið Háskóla Íslands og Jóna Guðrún Jónsdóttir aðjúnkt við Menntavísindasvið Háskóla Íslands. Báðar hafa þær mikla reynslu af leiklistarkennslu í leik, grunn og framhaldsskóla. Námskeiðið er opið kennurum, leiðbeinendum í Þjóðleik og leiklistaráhugafólki.