Air Conditions

Skaftfell listamiðstöð kynnir með ánægju samsýninguna Air Conditions, með listafólkinu Anna Eglite, Inger Wold Lund, Jenny Berger Myhre, Mariana Murcia, Oceanfloor Group, Signe Lidén, Vilhjálmur Yngvi Hjálmarsson og William Kudahl.

Boðið er til opnunar laugardaginn 9. nóvember kl. 16:00 og í kjölfarið verður haldinn fyrsti af þremur hlustunarviðburðum kl. 17:00.
Air Conditions er sýning bæði um loft og í loftinu. Samsýningin dregur saman verk átta listamanna sem vinna með hljóð, vídeó, teikningu og skúlptúr og sýnir ólík verk sem taka útgangspunkt frá viðfangsefninu loft og líðandi umhverfa þess.

Hlustunarviðburðurðirnir verða lifandi í galleríi Skaftfells þar sem flutt verða verk sem unnin voru fyrir sýninguna:

Laugardaginn 9. nóvember
17:00 – hlustunarviðburður #1 í beinni útsendingu
Laugardaginn 16. nóvember
16:00 – hlustunarviðburður #2 í beinni útsendingu
Þriðjudaginn 19. nóvember
16:00 – hlustunarviðburður #3 í beinni útsendingu

Allir viðburðirnir eru sendir út úr galleríinu með útvarpsbylgjum og hægt verður að nálgast beina útsendingu á Seyðisfjörður Community Radio 107.1 og á netinu.

Sýningin verður opin 9. - 23. nóvember: þri-fös kl. 10-15:00, lau kl. 15-18:00

Skaftfell listamiðstöð Austurlands, Austurvegi 42, Seyðisfirði. 

Við vonumst til að sjá þig í galleríinu.

/