Búist er við áframhaldandi úrkomu og skafrenningi fram til morguns en úrkoma er þó heldur minni en spáð var. Ekki er talin hætta utan rýmdra svæða.
Flestir fjallvegir á Austurlandi eru lokaðir en vegir innanbæjar eru enn opnir. Rýmingar frá í gær á Seyðisfirði og í Neskaupstað eru óbreyttar.
Veðurstofa mun meta stöðuna síðar í dag en staðan er vöktuð allan sólarhinginn af starfsmönnum Veðurstofu og snjóflóðaeftirlitsmönnum hennar. Ekki er talin hætta utan rýmdra svæða.
Aðgerðastjórn almannavarna á Austurlandi hvetur ferðalanga til að kanna vel með færð og veður áður en haldið er af stað en lítið ferðaveður er í fjórðungnum sem stendur.
Þrátt fyrir að ekki sé talin hætta utan rýmdra svæða þá geta aðstæður sem þessar valdið vanlíðan hjá íbúum. Aðgerðastjórn vekur því athygli á hjálparsíma Rauða krossins í síma 1717 sem opinn er allan sólarhringinn ef fólk vill ræða líðan sína.
