Undanfarnar vikur hefur tíðarfar verið með besta móti í Múlaþingi og því óskar Múlaþing liðsinnis allra sem vettlingi geta valdið, við að hreinsa rusl í sínu nærumhverfi og bæta ásýnd sveitarfélagsins eftir veturinn. Skilja má eftir poka sem rusl hefur verið tínt í, og munu starfsmenn þjónustumiðstöðva Múlaþings fjarlægja þá eftir helgina. Pokarnir þurfa að vera vel lokaðir og ágætt að þeir séu á áberandi stöðum þannig að þeir finnist. Fólk er hvatt til að flokka í pokana eins og hægt er og halda t.d. plasti og pappa aðskildu, þannig að það sem er hæft til þess, fari í endurvinnslu.
Sumarstarfsfólk Múlaþings tekur svo við þessum verkefnum þegar það mætir til starfa í byrjun maí.
Íbúum er bent á að hafa samband við forstöðumenn þjónustumiðstöðva Múlaþings til að fá nánari upplýsingar um fyrirkomulagið á hverjum stað:
| Borgarfjörður |
Björn Skúlason | 867 2758 |
| Djúpivogur | Sigurbjörn Heiðdal | 864 4911 |
| Egilsstaðir/Fellabær | Kári Ólason | 864 4979 |
| Seyðisfjörður | Gunnlaugur Friðjónsson | 896 1505 |
Margar hendur vinna létt verk.
