Skrifstofur Múlaþings lokaðar 18. mars

Vegna starfsdags starfsfólks á skrifstofum Múlaþings, fimmtudaginn 18. mars, verða skrifstofurnar á Borgarfirði, Djúpavogi, Fljótsdalshéraði og Seyðisfirði lokaðar þennan dag. Vegna samkomutakmarkana af völdum Covid-19 hefur starfsfólk skrifstofanna ekki enn getað komið saman frá því að Múlaþing varð til. Starfsdagurinn er því kærkomið tækifæri til að bæta úr því, en honum verður varið í fræðslu og vinnu starfshópa. Skrifstofurnar verða aftur opnar á föstudaginn á hefðbundnum tíma.