Sveitarfélögin Fjarðabyggð og Múlaþing hafa gert með sér samkomulag um sameiginlega gjaldskrá fyrir skíðasvæðin í Oddsskarði og Stafdal. Samkomulagið gerir skíðaiðkendum kleift að nýta bæði svæðin án þess að þurfa greiða aukalega fyrir það. Samstarfið er er mikilvægur áfangi í skíðamálefnum Austurlands og styrkir bæði þjónustu og aðgengi að þessum einstöku útivistarsvæðum.
Af því tilefni bjóða sveitarfélögin upp á 20% afslátt af vetrarkortum til og með 15. janúar 2025. Afslátturinn gildir fyrir einstaklinga og fjölskyldur og veitir fullan aðgang að báðum svæðunum allt tímabilið.
Samstarfið á milli svæða er stórt skref í átt að því að gera Austurland að leiðandi áfangastað fyrir skíðaiðkun og vetrarferðamennsku.
Íbúar og gestir Austurlands eru hvattir til að nýta sér þetta einstaka tilboð og tryggja sér vetrarkort á afsláttarverði.
Nánari upplýsingar um verð og afslátt má finna á síðu Fjarðabyggðar, þar sem hægt er að kaupa miðana.
