Austurbrú hefur látið gera myndband þar sem hringrásarhagkerfið er kynnt með einföldum og aðgengilegum máta. Um er að ræða fjögurra mínútna myndband þar sem hugtakið „hringrásarhagkerfi“ er kynnt á einföldu en kjarnyrtu máli. Myndbandið er stutt og skemmtilegt, það er textað á ensku og unnið af og í samstarfi við listamennina Rán Flygenring, Elínu Elísabetu Einarsdóttur og Sebastian Ziegler.
Á heimasíðu Austurbrúar kemur fram að sótt hafi verið um styrk í umhverfis- og auðlindaráðuneytið, fyrir um ári síðan, þar sem markmiðið var að vinna að vitundarvakningu á Austurlandi um hringrásarhagkerfið. Þar kemur einnig fram að myndbandið hafi verið kynnt á heimasíðu Austurbrúar og á samfélagsmiðlum og nú sé ætlunin að kynna myndbandið fyrir íbúum Austurlands, með því að senda það í alla skóla, fyrirtæki, stofnanir og sveitarfélög.
Tengill á frétt um myndbandið á heimasíðu Austurbrúar er hér
