Kynningunni hefur verið frestað til 9. febrúar sökum sóttkvíar heimsóknargesta.
“Frístundastarfið í Múlaþingi er gróskumikið og lifandi og það er alltaf gaman að hafa tækifæri til þess að segja frá því,” segir Vigdís Diljá Óskarsdóttir, verkefnastjóri íþrótta- og æskulýðsmála í Múlaþingi.
Á morgun miðvikudag fer fram opin kynning á frístundastarfi í sveitarfélaginu í fjarfundarformi. Kynningin hefst klukkan 11 og er aðgengileg í gegnum þennan hlekk.
“Kynningin er gott tækifæri fyrir þau sem vilja kynna sér betur það starf sem fram fer í félagsmiðstöðvum sveitarfélagsins,” segir Vigdís sem sér um kynninguna fyrir hönd Múlaþings.
Þá mun verkefnastjóri frá Fjarðabyggð einnig kynna það frístundastarf sem unnið er þar.
Tilefni kynningarinnar er heimsókn Félags fagfólks í frítímaþjónustu til Egilsstaða.
