Saga Seyðisfjarðar

Fyrir liggur erindi frá fulltrúum áhugamannahóps um ritun sögu Seyðisfjarðar þar sem óskað er eftir því að sveitarfélagið komi að verkefninu með formlegri þátttöku í undirbúningsnefnd sem og með fjárframlagi.

Eftirfarandi tillaga lögð fram:
Sveitarstjórn Múlaþings fagnar þeirri jákvæðu vinnu er hafin er varðandi ritun sögu Seyðisfjarðar og vísar erindinu til byggðaráðs til afgreiðslu.

Samþykkt með 10 atkvæðum, einn sat hjá (ÞJ)

Fyrir liggur bókun sveitarstjórnar Múlaþings, dags. 11.10.2022, þar sem erindi frá fulltrúum áhugamannahóps um ritun sögu Seyðisfjarðar er vísað til byggðaráðs til afgreiðslu.

Eftirfarandi tillaga lögð fram:
Byggðaráð tekur undir með sveitarstjórn Múlaþings og fagnar þeirri jákvæðu vinnu sem hafin er varðandi ritun sögu Seyðisfjarðar. Byggðaráð felur atvinnu- og menningarmálastjóra að taka erindið til frekari skoðunar og tillögugerðar og verður það tekið til afgreiðslu í byggðaráði er niðurstaða úr þeirri vinnu liggur fyrir.

Samþykkt samhljóða án atkvæðagreiðslu.