Steinar 1 - Tilkynning um framkvæmd undanþegin byggingarleyfi

Fyrir umhverfis- og framkvæmdaráði liggur umsókn frá ábúendum Steina 1 á Djúpavogi dags. 5. júlí 2021 um framkvæmdir á svæði sem tilheyrir verndarsvæði í byggð. Öll uppbygging skal taka mið af þeirri stefnu og skilmálum sem sett eru fram um svæðið í verndartillögu.

Eftirfarandi tillaga lögð fram:
Umhverfis- og framkvæmdaráð samþykkir að auglýsa fyrirhugaða framkvæmd í samræmi við ákvæði 4. mgr. 6. gr. laga nr. 87/2015 um verndarsvæði í byggð. Auglýst verði á heimasíðu sveitarfélagsins og í opinberu rými á Djúpavogi. Auglýsingatími verði tvær vikur. Að honum loknum verði málinu vísað til sveitarstjórnar til afgreiðslu.

Samþykkt samhljóða með handauppréttingu.

Fyrir lá bókun umhverfis- og framkvæmdaráðs, dags. 11.08.2021, þar sem samþykkt er að auglýsa fyrirhugaða framkvæmd á svæði Steina 1 á Djúpavogi sem tilheyrir verndarsvæði í byggð. Einnig lá fyrir minnisblað frá ritara á umhverfis- og framkvæmdasviði, dags. 02.09.2021, þar sem fram kemur að engar athugasemdir bárust frá íbúum á kynningartíma. Umsögn hefur borist frá Minjaverði Austurlands. Þar kemur fram að framkvæmdir hafa ekki áhrif á menningarminjar og í ljósi þess eru ábendingar minjavarðar aðeins leiðbeinandi.

Eftirfarandi tillaga lögð fram:
Að mati sveitarstjórnar er framkvæmdin ekki þess eðlis að varðveislugildi verndarsvæðisins sé stefnt í hættu eða rýrt. Því samþykkir sveitarstjórn Múlaþings,
með vísan til gildandi laga um verndarsvæði í byggð, að ábúendum Steina 1 á Djúpavogi verði heimilað að fara í framkvæmdir í samræmi við fyrirliggjandi umsókn dags. 05.07.2021. Jafnframt beinir sveitarstjórn því til umsækjanda að horfa til umsagnar minjavarðar og leiðbeininga við endanlega útfærslu.

Samþykkt samhljóða með handauppréttingu.