Umsókn um óstofnaða lóð, Borgarfjörður eystri

Fyrir umhverfis- og framkvæmdaráði liggur umsókn um að fá úthlutað lóð á Borgarfirði, en svæðið
sem um ræðir er skilgreint sem opið svæði samkvæmt aðalskipulagi.

Frestað.

Fyrir umhverfis- og framkvæmdaráði liggur umsókn um að fá úthlutað lóð á Borgarfirði, en svæðið sem um ræðir er skilgreint sem opið svæði samkvæmt aðalskipulagi. Afgreiðslu erindisins var frestað á fundi ráðsins 2. desember.

Eftirfarandi tillaga lögð fram:
Umhverfis- og framkvæmdaráð samþykkir að vísa erindinu til heimastjórnar Borgarfjarðar til umsagnar.

Samþykkt samhljóða með handauppréttingu.

Umrætt svæði er ekki skipulagt fyrir byggingar og afar óheppilegt sem slíkt. Í því ljósi hafnar heimastjórn umsókninni en bendir á að nægt framboð af skipulögðum lóðum eru skammt frá umræddu svæði.