Yfirlit frétta

Ormsteiti verður haldið dagana 16. – 24. September og er með veglegu sniði.

Fundur Sveitarstjórnar Múlaþings númer 27 verður haldinn þann 14. september 2022 og hefst kl. 14:00

Umhverfisvitund Íslendinga hefur aukist mikið á undanförnum árum og leggja mörg fyrirtæki mikinn metnað í flokkun til endurvinnslu. Flokkun og endurvinnsla stuðla að hringrás hráefnisins, spara orku, draga úr mengun og minnkar ágang á auðlindir jarðar, eins og olíu, kol og vatn ásamt því sem förgunarkostnaður fer hækkandi. Ávinningur af flokkun er því bæði umhverfislegur og fjárhagslegur.

Sjávarútvegsskóla unga fólksins á Austurlandi er nú lokið. Kennt var samtals í 5 vikur eða frá 6. júní til 7. júlí. Skólinn var kenndur á Vopnafirði, Fáskrúðsfirði, Eskifirði, Neskaupsstað og á Seyðisfirði í eina viku á hverjum stað. Nemendum frá Egilsstöðum var ekið til Seyðisfjarðar. Samtals voru nemendur 42 sem höfðu lokið 8. bekk í grunnskóla.

Nokkuð er um að gróður á lóðum í sveitarfélaginu vaxi út fyrir lóðamörk og hindri þar umferð, skyggi á umferðarmerki eða sé vegfarendum og nágrönnum á annan hátt til ama.

Verið velkomin á opnun laugardaginn 3. september kl. 14:00 á myndlistarsýningunni Hnikun í Sláturhúsinu Menningarmiðstöð með verkum eftir Ingunni Fjólu Ingþórsdóttur og Þórdísi Jóhannsdóttur. Hnikun er fyrsta sýningin sem opnar í Sláturhúsinu eftir gagngerar endurbætur.

Fjölskyldusvið Múlaþings auglýsir starf forstöðuaðila skíðasvæðisins í Stafdal. Um er að ræða 100% starf sem ráðið er í frá hausti 2022. Í starfinu felst dagleg umsjón með rekstri skíðasvæðisins, starfsmannahald, samskipti við notendur og kynningarstarf. Leitað er að aðila með reynslu af útivist og skíðamennsku með brennandi áhuga og drifkraft til þess að vinna að þróun og utanumhaldi svæðisins.

Undanfarið hefur borið á tilkynningum um dauða eða hálfdauða fugla í sveitarfélaginu. Það hefur mikið upplýsingagildi fyrir Matvælastofnun að fá slíka tilkynningu en starfsmenn Matvælastofnunar fara yfir allar ábendingar og meta hvort taka skuli sýni eða ekki vegna fuglaflensu.

Þann 1. september verður opið á Bókasafni Héraðsbúa, mánudaga til föstudaga frá klukkan 13 til 18. Fylgið okkur endilega á Facebook og Instagram. Verið öll velkomin.

Sveitarfélagið Múlaþing óskar eftir tilboðum í verkið: Votihvammur II - Gatnagerð og veitulagnir. Verkið felst í jarðvegsskiptum í götum og gangstígum ásamt jöfnun lóða að hönnuðum hæðum. Leggja skal fráveitu-, regnvatns-, hitaveitu-, vatnsveitu-, gagnaveitu- og raflagnir og tengja allar lagnir við núverandi bæjarkerfi, ásamt uppsetningu ljóstastaura.