Bókasafn Múlaþings

Bókasafn Múlaþings er staðsett á þremur stöðum í sveitarfélaginu; á Egilsstöðum, Seyðisfirði og Djúpavogi.

Bókasafn Múlaþings er í samstarfi við leik- og grunnskóla sveitarfélagsins, önnur söfn, félagasamtök og aðra sem óska þess að nýta aðstöðuna.

Bókasafn Múlaþings er menningar-, upplýsinga- og menntastofnun, rekið af sveitarfélaginu og skulu allir íbúar eiga kost á að njóta þjónustu þess.

Nútímabókasöfn eru samfélagsmiðjur, þriðja rými íbúa, það er hlutlaus staður sem hvorki er heimili, vinna né skóli. Þau eru athvarf fyrir notendur og eru einn af fáum stöðum þar sem fólk getur verið innandyra endurgjaldslaust.

Bókasafn Múlaþings er á Facebook og Instagram

Gjaldskrá

Menningarstefna

Bókasafn Múlaþings, Egilsstöðum

Bókasafn Múlaþings, Egilsstöðum er staðsett í byggingu Safnahússins á Egilsstöðum. Í húsinu eru einnig Minjasafn Austurlands og Héraðsskjalasafn Austfirðinga. Bókasafnið er staðsett í notalegu rými í risi hússins og hefur að geyma um 20.000 bindi, mest íslenskar bækur. Safnið er tengt Landskerfi bókasafna, leitir.is.

Safnið er opið alla virka daga frá klukkan 13:00 til 18:00 og á laugardögum frá klukkan 11:00 til 13:00.

Ef þú átt gilt skírteini á Bókasafni Múlaþings geturðu fengið erlendar rafbækur og hljóðbækur að láni í Rafbókasafninu. Leiðbeiningar og upplýsingar um Rafbókasafnið má sjá hér.

Laufskógum 1, 700 Egilsstaðir
Sími: 470 0745
Netfang: bokasafn.heradsbua@mulathing.is

Leita í safnkosti Bókasafns Múlaþings, Egilsstöðum

Bókasafn Múlaþings, Djúpavogi

Bókasafn Múlaþings, Djúpavogi er samsteypusafn sem samanstendur af skólabókasafni og almenningsbókasafni og er staðsett í Djúpavogsskóla.

Safnið er opið í vetur mánudaga til fimmtudaga frá klukkan 15:00 til 18:00.

Vörðu 6, 765 Djúpivogur
Sími: 470 8708
Netföng: bokasafn.djupavogs@mulathing.is og thorbjorg.sandholt@mulathing.is

Leita í safnkosti Bókasafns Múlaþings, Djúpavogi

Bókasafn Múlaþings, Seyðisfirði

Bókasafn Múlaþings, Seyðisfirði var stofnað árið 1892 og var Amtsbókasafn Austuramts allt fram á áttunda áratug síðustu aldar. Safnkosturinn er aðallega íslenskar bækur, tímarit og hljóðbækur.

Safnið er opið á sumrin (júní til ágúst) mánudaga til fimmtudaga frá klukkan 13:00-17:00 og á veturna mánudaga til föstudaga frá klukkan 15:00-18:00.

Skólavegi 1
Sími: 470 2339
Netfang: bokasafn.seydisfjardar@mulathing.is

Leita í safnkosti Bókasafns Múlaþings, Seyðisfirði

Síðast uppfært 24. febrúar 2026