Austfirskir höfundar fylla Rithöfundarlestina í ár sem verður á ferð um Austurland 17. - 20. nóvember að kynna verk sín venju samkvæmt. Að þessu sinni verður Rithöfundalestin alfarið austfirsk þar sem allir höfundar eiga rætur eða eru búsettir á Austurlandi.
Rithöfundalestin er samstarfsverkefni Gunnarsstofnunar, Skaftfells, Menningarstofu Fjarðabyggðar, menningarsviðs Múlaþings og menningar- og atvinnumálanefndar Vopnafjarðarhrepps. Verkefnið nýtur stuðnings Uppbyggingarsjóðs Austurlands, Síldarvinnslunnar, Alcoa, Atlantsolíu, Brims, Forlagsins, Bílaleigu Akureyrar og Gistihússins á Egilsstöðum.
Kjarna lestarinnar mynda:
- Benný Sif Ísleifsdóttir með skáldsöguna Gratíana sem er framhald Hansdætra
- Jónas Reynir Gunnarsson með skáldsöguna Kákasus-gerillinn
- Smári Geirsson með stórvirkið Sögu Fáskrúðsfjarðar
- Ragnar Ingi Aðalsteinsson með þrjú verk, Líkið er fundið - sögur af Jökuldal, kvæðasafn systkinanna frá Heiðarseli og bók um Skáld-Rósu.
Aðrir höfundar sem stíga um borð í lestina á mismunandi stöðum eru:
- Unnur Sveinsdóttir með barnabókina Skotti og sáttmálinn
- Ásgeir Hvítaskáld með skáldsögu byggða á sönnum atburðum, Morðið í Naphorni
- Jón Pálsson með glæpasöguna Skaðræði
- Jón Knútur Ásmundsson með ljóðabókina Stím
- Anna Karen Marinósdóttir með ljóðabókina Kannski verður allt í lagi
- Björn Ingvarsson með þýðingar á ljóðum Inúíta
Upplestrarsamkomur Rithöfundalestarinnar eru
- Fimmtudaginn 17. nóv. í Uss Bistro Kaupvangi á Vopnafirði kl. 20:30
- Föstudaginn 18. nóv. í Skaftfelli á Seyðisfirði kl. 19:00
- Laugardaginn 19. nóv. í Safnahúsinu í Neskaupstað kl. 14:00
- Laugardaginn 19. nóv. í Löngubúð á Djúpavogi kl. 20:00.
- Sunnudaginn 20 nóv. á Skriðuklaustri í Fljótsdal kl.13.30
Lestarferðinni lýkur á Skriðuklaustri þar sem flestir ofangreindu höfundanna koma fram og fleiri austfirskar bækur verða kynntar á viðburði sem einnig verður streymt á netinu.
