Umhverfisstofnun, landeigendur og Múlaþing vinna að stjórnunar- og verndaráætlun fyrir landslagsverndarsvæðið norðan Dyrfjalla og náttúruvættið Stórurð. Liður í þeirri vinnu verður íbúafundur í Hjaltalundi mánudaginn 17. apríl klukkan 16:00. Á fundinum verður farið yfir þá vinnu sem átti sér stað í aðdraganda friðlýsingar, farið yfir tilgang stjórnunar- og verndaráætlana ásamt því að skoða hvar vinna er stödd fyrir téða áætlun.
Í stefnumótunarhluta fundarins er áhersla á að setja fram hugmyndir að innviðauppbyggingu og þeim breytingum sem þörf er á að setja á áætlun. Fyrst verður farið á hugarflug þar sem fundargestir festa á blað allar raunhæfar hugmyndir sem fram koma. Næsta skref er að líta yfir hugmyndirnar og setja fram grófa forgangsröðun.
Dagskrá:
16:00-16:15 Kynning á friðlýsingu og stjórnunar og verndaráætlun.
16:15-16:30 Umræður.
16:30-16:45 Kynning á stefnumótunarvinnu.
16:45-17:00 Fyllt á bollann.
17:00-17:45 Hugmyndavinna - breytingar og uppbygging sem ráðast þarf í á næstu árum.
17:45-18:00 Næstu skref kynnt og lok fundar.
Fundurinn verður sendur út fyrir þá sem ekki komast í Hjaltalund, hlekkur á streymi: http://www.ust.is/kynningarfundur-í-Hjaltalundi-Múlaþingi
Landslagsverndarsvæðið norðan Dyrfjalla og náttúruvættið Stórurð
